আপোনাৰ হাত দুখন চাবোন আৰু চেনিটাইজাৰেৰে সঘনাই পৰিষ্কাৰকৈ ধুব। সুৰক্ষামূলক চছমা পিন্ধিব/চকুযুৰি হাতেৰে মোহাৰি থকা বা স্পৰ্শ কৰাটো পৰিহাৰ কৰক।
পৰিষ্কাৰ পানীৰে আপোনাৰ চকুযুৰি ধুই পৰিষ্কাৰ কৰি ৰাখক ।
আক্রান্ত ব্যক্তিগৰাকীৰ টাৱেল, কমাল, বেডশিট আদি ব্যৱহাৰ কৰা পৰিহাৰ কৰক ।
যদি এই ৰোগৰ কোনো লক্ষণ থাকে তেন্তে চকুযুৰিত কোনোধৰণৰ প্ৰসাধন সামগ্ৰী ব্যৱহাৰ নকৰিব। আপোনাৰ পৰিৱেশ পৰিষ্কাৰ-পৰিচ্ছন্ন কৰি ৰাখক।
যদি সম্ভৱ, এই ৰোগৰ পৰা আৰোগ্য নোহোৱা পৰ্যন্ত জনসমাগম হোৱা ঠাই পৰিহাৰ কৰক আৰু সাঁতোৰাৰ পৰা আঁতৰি থাকক ।
কেতিয়াও নিজাববীয়াকৈ ঔষধ ব্যৱহাৰ বা ফাৰ্মাচীৰ গৰাকীয়ে দিয়া ঔষধৰ ওপৰত নিৰ্ভৰ নকৰিব ।
ভাইৰেল কনজাংটিভাইটিছত আক্রান্ত হ’লে ষ্টে’ৰইডযুক্ত চকুত দিয়া ঔষধ সম্পূৰ্ণৰূপে পৰিহাৰ কৰি চলিব।
