সকলোৰে সন্মুখতে এগৰাকী মহিলাক চৰিয়ালে মন্ত্ৰীয়ে। ভূমি বিবাদক লৈ কৰ্ণাটকৰ মন্ত্ৰী ভি সোমন্নাই প্ৰহাৰ কৰিলে এগৰাকী মহিলাক। ঘটনা চমাৰাজনগৰ জিলাৰ গুণ্ডলুপেটৰ হাংগালা গাঁৱৰ। ভূমি বিবাদৰ সমস্যাৰ বিষয়ে অৱগত কৰিবলৈ যোৱাৰ সময়তে খঙত অগ্নিশৰ্মা হৈ পৰে মন্ত্ৰীজন। অৰ্থনৈতিকভাবে পিছপৰা শ্ৰেণীৰ লোকক নথি বিতৰণৰ বিশেষ অনুষ্ঠান অনুষ্ঠিত হৈছিল। সেই অনুষ্ঠানৰ মাজতে নিজৰ সমস্যাৰ বিষয়ে অৱগত কৰিবলৈ গৈছিল মহিলাগৰাকীয়ে। নিজৰ অসুবিধাৰ কথা অৱগত কৰাৰ সময়তে খঙত সম্বিত হেৰুৱাই সকলোৰে সন্মুখতে প্ৰহাৰ কৰিলে মহিলাক।
ইতিমধ্যে দেশজুৰি ভাইৰেল হৈ পৰিছে ভিডিঅ। বিৰোধীয়ে বিজেপিক তীব্ৰ সমালোচনা কৰিছে এই ঘটনাৰ।
