অচিনাক্ত বাহনে ২কিলোমিটাৰ চোঁচৰাই নিলে এজনক, গোলাঘাটৰ ৰাজপথত ভয়ংকৰ দুৰ্ঘটনা

ৰাজ্যত দিনক দিনে বৃদ্ধি পাইছে পথ দুৰ্ঘটনা। দুৰ্ঘটনাত দৈনিক প্ৰাণ হেৰুৱাইছে বহু লোকে। ঘুনীয়া হৈছে বহুজন। তাৰ মাজতে এইবাৰ গোলাঘাটৰ ৰাজপথত ভয়ংকৰ দুৰ্ঘটনা। অচিনাক্ত বাহনে ২কিলোমিটাৰ চোঁচৰাই নিলে এজনক।

গোলাঘাটৰ মৰঙীৰ ৩৯ ৰাষ্ট্ৰীয় ঘাইপথৰ সাৰৰ গাঁৱত ভয়ংকৰ পথ দুৰ্ঘটনা৷ অচিনাক্ত বাহনে ২ কিলোমিটাৰ চোঁচৰাই নিলে এজনক। দুৰ্ঘটনাত নিহত সাৰৰ গাঁৱৰ টুটু শইকীয়া নামৰ লোকজন। হাজিৰা কৰি চাইকেলেৰে ঘৰলৈ উভতাৰ পথতে এই দুৰ্ঘটনা। দুৰ্ঘটনা সংঘটিত কৰিয়েই পলায়ন বাহনখনৰ।