মানুহে ইমান নৃশংস কাম কৰিব পাৰে কেনেকৈ
এনেকৈ সংঘটিত কৰে হত্যাকাণ্ড
এটা দুটা নহয়, ৪০টা!
পোৱালিকেইটাই পথাৰত খেলি আছিল। তেতিয়াই চুবুৰীয়া আক্ৰোশৰ বলি হল। মৃত অৱস্থাত মোনাত ভৰাই লৈ আনিলে থানালৈ। এওঁ মমিৰ আলী। নাখাই খোৱাইছিল। মৰমত ৰাখিছিল। কিন্তু চুবুৰীয়াই মাৰি পেলালে পোৱালিকেইটাক। থানালৈ আহি দাবী কৰিলে ন্যায়। এই হত্যাকাণ্ডৰ বিচাৰ লাগে।
হাজোত সংঘটিত হ’ল এই নৃশংস ঘটনা
বিহ দি মাৰিলে কুকুৰা
ৰছিদ আলী, মীৰান আলী, আজিদ আলীয়ে কঠিয়া পাৰিছিল। তাৰ বেৰৰ কাষে কাষে ছটিয়াই দিছিল বিহ। তাতেই চৰি আছিল কুকুৰা। সন্ধিয়া ঘৰলৈ কুকুৰাকেইটা ঘূৰি নহাত গৰাকীয়ে বিচাৰিলে পথাৰত। তেতিয়াই দেখিলে পথাৰতে মৃত অৱস্থাত পৰি আছে কেইবাটাও কুকুৰা।
৪০টা কুকুৰা বিহ দি হত্যা কৰাৰ অভিযোগ
আইনৰ পৰা বিচাৰিছে ন্যায়
দাখিল কৰিছে এজাহাৰ। শোকত ম্ৰিয়মান মমিৰ আলী। ৩০ হাজাৰৰো অধিক টকাৰ লোকচান। এই ঘটনাই প্ৰতিক্ৰিয়াৰ সৃষ্টি কৰিছে হাজোত।
