হিজাব বিতৰ্কক লৈ মাদ্ৰাজ উচ্চ ন্যায়ালয়ৰ প্ৰশ্ন। হিজাব বিতৰ্কই দেশ বিভক্ত কৰাৰ চেষ্টা চলাইছে। প্ৰথমে কি প্ৰয়োজন ৰাষ্ট্ৰ নে ধৰ্ম। কৰ্ণাটকৰ হিজাব বিতৰ্কক লৈ উদ্বেগ প্ৰকাশ মাদ্ৰাজ উচ্চ ন্যায়ালয়ৰ। মাদ্ৰাজ হাইকৰ্টৰ মুখ্যন্যায়াধীশ এম এন ভাণ্ডাৰী আৰু ন্যায়াধীশ বি ভাৰত চক্ৰৱৰ্তীৰ বিচাৰপীঠৰ মন্তব্য কিছু শক্তিয়ে পোছাক বিতৰ্কৰ সৃষ্টি কৰিছে আৰু ই সমগ্ৰ ভাৰততে বিয়পি পৰিছে। কোনো লোক হিজাবৰ পক্ষত কোনো লোক টুপীৰ পক্ষত। এইখন এখন দেশ, ইয়াক ধৰ্মৰ নামত বিভক্ত কৰা হৈছে। বৃহস্পতিবাৰে কৰ্ণাটক উচ্চ ন্যায়ালয়ত তৃতীয় দিনৰ বাবে হিজাব বিতৰ্কৰ শুনানি অনুষ্ঠিত হয়। গোচৰটোৰ ৰায় নিদিয়ালৈকে শিক্ষানুষ্ঠানত ধৰ্মীয় কাপোৰ পৰিধান কৰাত নিষেধাজ্ঞা আৰোপ কৰিছে ন্যায়ালয়ে।
