সদ্য সমাপ্ত পৌৰসভা নিৰ্বাচনত জয় লাভ কৰা হাইলাকান্দি পৌৰসভাৰ ৫ জনকৈ নির্দলীয় প্ৰাৰ্থীয়ে আজি ভাৰতীয় জনতা পার্টিত আনুষ্ঠানিকভাৱে যোগদান কৰে। যোগদান কৰা নিৰ্দলীয় বিজয়ী প্ৰাৰ্থীসকল হৈছে-হাইলাকান্দিৰ পৌৰসভাৰ ৫ নং ৱাৰ্ডৰ মুন্না দেৱ, ৭ নং ৱাৰ্ডৰ শিল্পী দাস, ৯ নং ৱাৰ্ডৰ ৰাজু চক্ৰৱৰ্তী, ১২ নং ৱাৰ্ডৰ চম্পা সেনগুপ্তা আৰু ১৩ নং ৱাৰ্ডৰ সুৰ্পনা দাস।
বিজেপি অসম প্ৰদেশৰ সভাপতি ভৱেশ কলিতাৰ উপস্থিতিত দলৰ হেঙেৰাবাৰীস্থিত মুখ্য কাৰ্যালয়ত যোগদান কৰে ৫ জনকৈ নির্দলীয় প্ৰাৰ্থীয়ে। উল্লেখযোগ্য যে উক্ত যোগদানৰ পিছত হাইলাকান্দি পৌৰসভা ভাৰতীয় জনতা পাৰ্টিৰ দখলত অহাটো নিশ্চিত হ’ল।
