অচিৰে ভাৰতলৈ আহিব চীনৰ বিদেশ মন্ত্ৰী ৱাং য়ি। গালৱান সংঘৰ্ষৰ পিছত প্ৰথমবাৰলৈ ভাৰতলৈ আহিব চুবুৰীয়া দেশখনৰ বিদেশ মন্ত্ৰী। ২০২০ চনৰ ১৫ জুনত দুয়ো দেশৰ সেনাৰ মাজত সূত্ৰপাত ঘটিছিল অপ্ৰীতিকৰ পৰিস্থিতিৰ। ৰঙা চীনৰ আক্ৰমণত শ্বহীদ হৈছিল ২০জন সেনা জোৱান। চীনা সেনাকো তীব্ৰ প্ৰত্যুত্তৰ দিছিল ভাৰতীয় বীৰ জোৱানে। সেই ঘটনাৰ পিছৰে পৰা দুয়োখন দেশৰ সম্পৰ্কৰ অৱনতি ঘটে। চলিত মাহৰ শেষৰ ফাললৈ দিল্লীলৈ চীনৰ বিদেশ মন্ত্ৰীগৰাকী অহাৰ সম্ভাৱনা আছে। অৱশ্য়ে চীনৰ ফালৰ পৰাহে ভাৰতলৈ অহাৰ প্ৰস্তাৱ দিয়া হৈছে। আনহাতে, ২৬-২৭ মাৰ্চত নেপাললৈ যাব চীনৰ বিদেশ মন্ত্ৰীগৰাকী। এই ভ্ৰমণকালত নেপালৰ ৰাষ্ট্ৰপতি বিদ্যা দেৱী ভাণ্ডাৰী, প্ৰধানমন্ত্ৰী শ্বেৰ বাহাদুৰ দেওবা আৰু বিৰোধী দলপতি নাৰায়ণ খডকাকো সাক্ষাতৰ সম্ভাৱনা আছে। বেল্ট এণ্ড ৰোড ইনিচিয়েটিভ প্ৰকল্পক লৈ বিশেষভাবে চৰ্চাৰ সম্ভাৱনা আছে এই ভ্ৰমণকালত। কেৱল নেপাল আৰু ভাৰতেই নহয়, একেলগে ভূটান আৰু পাকিস্তান ভ্ৰমণৰো পৰিকল্পনা কৰিছে চীনৰ বিদেশ মন্ত্ৰীগৰাকীয়ে।
