আহমেদাবাদত বিনামূলীয়াকৈ প্লে-অফ মেচ উপভোগ কৰাৰ সুযোগ অনুৰাগীৰ

Date:

- Advertisement -
- Advertisement -

আহমেদাবাদত বিনামূলীয়াকৈ প্লে-অফ মেচ উপভোগ কৰাৰ সুযোগ অনুৰাগীৰ

ৰাজস্থান ৰয়েলছ আৰু এইচ এম ডিৰ যৌথ প্ৰচেষ্টাত অনলাইন প্ৰতিযোগিতা

নতুন দিল্লী, ১৮ মে’ : ৰাজস্থান ৰয়েলছে চলিত আই পি এলত কাইলৈ গুৱাহাটীৰ এ চি এ ষ্টেডিয়ামত কলকাতা নাইট ৰাইডাৰ্ছৰ বিৰুদ্ধে অন্তিমখন লীগ মেচত অংশ ল’ব৷ বৰ্তমান পইণ্ট তালিকাৰ দ্বিতীয় স্থানত থকা ৰাজস্থান ৰয়েলছে ইতিমধ্যে প্লে-অফলৈ যোগ্যতা নিশ্চিত হৈছে৷ উল্লেখ্য যে আহমেদাবাদৰ নৰেন্দ্ৰ মোডী ষ্টেডিয়ামত ৰয়েলছে প্লে-অফ মেচত অংশ ল’ব৷ অৱশ্যে দলৰ বিপক্ষ তথা প্লে-অফ খেলৰ দিন এতিয়াও নিশ্চিত হোৱা নাই৷ কাইলৈ গুৱাহাটীত হ’বলগা চলিত আই পি এলৰ অন্তিমখন লীগ মেচৰ ফলাফলৰ পাছতহে সেয়া নিৰ্ণয় হ’ব৷

ইফালে, প্লে-অফ মেচত ৰাজস্থান ৰয়েলছে দলটোৰ অনুৰাগীৰ বাবে অনলাইনত মেগা প্ৰতিযোগিতা আৰম্ভ কৰিছে৷ এই প্ৰতিযোগিতাৰ সৌভাগ্যবান বিজয়ীক দলটোৱে প্লে-অফ মেচখন উপভোগ কৰাৰ বাবে আহমেদাবাদলৈ নিব৷ অহা-যোৱা তথা থকা-খোৱা খৰছ দলেই বহন কৰিব৷ আনহাতে, ৰয়েলছৰ ক্ৰিকেটাৰৰ লগত মত বিনিময় কৰাৰ সুযোগো লাভ কৰিব প্ৰতিযোগিতাৰ বিজয়ী অনুৰাগীয়ে৷

স্মৰ্তব্য যে ৰাজস্থান ৰয়েলছৰ অফিচিয়েল পাৰ্টনাৰ এইচ এম ডিৰ দ্বাৰা দলটোৰ সমৰ্থকৰ বাবে এই পদক্ষেপ লোৱা হৈছে৷ এই মেগা প্ৰতিযোগিতাখনৰ লক্ষ্য হৈছে ৰয়েলছৰ সমৰ্থকসকলক দলৰ সৈতে জড়িত হোৱাৰ সুযোগ প্ৰদান কৰা তথা অনুৰাগীৰ অতুলনীয় সমৰ্থন প্ৰদৰ্শন কৰাৰ বিনিময়ত মেগা পুৰস্কাৰ লাভৰ সুযোগ দিয়া৷ তিনিগৰাকী অনুৰাগীক এই পুৰস্কাৰ দিয়া হ’ব৷ ইফালে, এইচ এম ডিয়ে ঘোষণা কৰিছে যে অন্য¸ চাৰিজন ভাগ্যৱান বিজয়ীয়ে এইচ এম ডি স্মাৰ্টফোন জয় কৰাৰ সুযোগো লাভ কৰিব৷

প্ৰতিযোগিতাত অংশগ্ৰহণ কৰিবলৈ আগ্ৰহী অনুৰাগীয়ে কেৱল হোৱাটছএপৰ জৰিয়তে ৯১৫২৯৭৪২৫০ নম্বৰত ‘পিংক’ [গোলাপী] লিখি প্ৰেৰণ কৰিব লাগিব বা এই লিংকটো https://wa.me/message/HUBDL4GBDARBC1 অনুসৰণ কৰিব লাগিব৷ অনুৰাগীসকলে ‘পিংক ৰয়েল’ ৰ সৈতে ছ’চিয়েল মিডিয়াত তেওঁলোকৰ শ্ৰেষ্ঠ গোলাপী ফটো শ্বেয়াৰ কৰি তথা ৰাজস্থান ৰয়েলছৰ অফিচিয়েল হেণ্ডেল টেগ কৰিও নিজৰ জয়ৰ সম্ভাৱনা বৃদ্ধি কৰিব পাৰে৷ এই অনলাইন প্ৰতিযোগিতাখন অহা ১৯ মে’ৰ মাজনিশালৈকেহে সক্ৰীয় হৈ থাকিব৷ ফ্ৰেঞ্চাইজি আৰু প্ৰতিযোগিতাৰ প্ৰযোজ্য চৰ্ত আৰু নিয়মৰ অধীনত ভাগ্যৱান বিজয়ীসকলক নাম ঘোষণা কৰা হ’ব৷

- Advertisement -

LEAVE A REPLY

Please enter your comment!
Please enter your name here

Share post:

Popular

More like this
Related

ৰাজ্যৰ একাংশ বাট-পথৰ দুৰৱস্থা

পুৰণি চৰকাৰ গ'ল, আহিল নতুন চৰকাৰ। কিন্তু ৰাজ্যৰ একাংশ...

২০২৩ৰ এদিনীয়া বিশ্বকাপৰ প্ৰতিশোধ ল’লে আফগানিস্তানে

২০২৩ৰ এদিনীয়া বিশ্বকাপৰ প্ৰতিশোধ ল'লে আফগানিস্তানেSUPER 8ত অষ্ট্ৰেলিয়াৰ বিৰুদ্ধে...

সুনীতা উইলিয়ামছক মহাকাশলৈ কঢ়িয়াই নিয়া মহাকাশযানত বিজুতি

সুনীতা উইলিয়ামছক মহাকাশলৈ কঢ়িয়াই নিয়া মহাকাশযানত বিজুতিমহাকাশতে আবদ্ধ ভাৰতীয়...

স্থায়ী গৃহৰ অভাৱত পঞ্চায়ত কাৰ্যালয়ত চলিছে এখন চিকিৎসালয়

জামুগুৰি গাঁও পঞ্চায়ত স্বাস্থ্য উপকেন্দ্ৰ!শুনোঁতে আচহুৱা, কিন্তু সঁচা‘আৰোগ্য মন্দিৰ’ৰ...