দক্ষিণ কামৰূপৰ জোৰশিমুলীত ভুৱা ফাৰ্মাচিষ্টৰ সন্ত্ৰাস৷ ফাৰ্মাচীৰ ভিতৰত মহিলাক অশালীন ব্যৱহাৰ কৰাৰ গুৰুতৰ অভিযোগ উঠিছে ফাৰ্মাচিষ্টজনৰ৷ জোৰশিমুলী আৰক্ষী চকীৰ সমীপতে এইদৰে মহিলাক অশালীন ব্যৱহাৰ কৰাক লৈ সৃষ্টি হৈছে তীব্ৰ উত্তেজনাৰ৷ ৰূপচান আলী নামৰ ভুৱা ফাৰ্মাচিষ্টজনে এগৰাকী বিধৱা মহিলাক শাৰিকীক ভাৱে অপদস্থ কৰাৰ চেষ্টা কৰাৰ সময়তে ঘটনাস্থলীত উপস্থিত হয়গৈ মহিলাগৰাকীৰ ভাতৃ৷ তেতিয়াই ৰূপচান আলীয়ে বাঁহৰ লাঠিৰে মৰিয়াই মৰিয়াই আহত কৰে মহিলাগৰাকীৰ ভাতৃক৷ ফলত ৰক্তাক্ত হৈ পৰে তেওঁৰ সৰ্বশৰীৰ৷ লম্পট ৰূপচান আলীয়ে মহিলাগৰাকীৰ কাপোক কানি টান- ছিঙি ফালি পেলোৱাৰো গুৰুতৰ অভিযোগ উত্থাপন কৰি জোৰশিমুলী আৰক্ষী চকীত এখন এজাহাৰ দাখিল কৰিছে ভুক্তভোগীয়ে৷ সম্প্ৰতি মহিলাগৰাকীৰ লগতে তেওঁৰ বাতৃ আৰু আন এজন চিকিৎসাৰত অৱস্থাত আছে৷ উল্লেখ্য যে, ভুৱা ফাৰ্মাচিষ্ট ৰূপচান আলীয়ে বিধৱা মহিলাৰা প্ৰধান মন্ত্ৰী আৱাস যোজনাৰ গৃহৰ নামত ২০ হাজাৰ টকা দাবী কৰাৰো গুৰুতৰ অভিযোগ উত্থাপন কৰিছে ভুক্তভোগী মহিলাগৰাকীয়ে।
