কিমান টকা হ’লে বহুত টকা বুলি কোৱা হয়? এক কোটি টকা? দহ কোটি টকা? এক লাখ কোটি টকা? এইটো প্ৰশ্ন আমি ইলন মাস্কক সোধা উচিত কাৰণ টেছলাই তেওঁৰ অভিলেখ ভংগকাৰী দৰমহাৰ চুক্তি প্ৰায় ৮৪ লাখ কোটি টকাৰ বাজেটত অনুমোদন জনাইছে। অৰ্থাৎ পিছফালে ১২টা শূন্য থকা এটা ডাঙৰ সংখ্যা। কল্পনা কৰকচোন ইলন মাস্কৰ কিমান টকা আছে, মাস্কে কিনো বুলি ক’লে গোটেই দেশবোৰকে স্নিকাৰৰ দৰে কিনিব পাৰে।
জানেনে ৮৪ লাখ কোটি টকাত কি কি ক্ৰয় কৰিব পাৰিব আপুনি? হাজাৰ হাজাৰ বিঘা মাটি, শতাধিক সোণৰ খনি। এই বছৰ ভাৰতত বিক্ৰী হোৱা প্ৰতিখন গাড়ী, হাজাৰ-হাজাৰটা কোম্পানী, ভাৰতৰ মহাকাশ গৱেষণা প্ৰতিষ্ঠান ISROৰ বাবে ৫০ বছৰৰ খৰছ, সমগ্ৰ ৰাজ্য বা তাতোকৈয়ো অধিক… বাস্তৱিকভাৱে ক’বলৈ গ’লে দশক দশক ধৰি লাখ লাখ উদ্যোগ গঢ় দিব পাৰিব এইখিনি টকাই। ভাৱকচোন, কিমান মেধাৱী বা প্ৰতিভাশালী হ’লে কোনোবা এজন ব্যক্তি ৮৪ লাখ কোটি টকাৰ সমান মূল্যৱান হ’ব পাৰে!
