গজৰাজে তাণ্ডৱ চলালে ৰাজপথত

অৰণ্য ধ্বংস কৰাৰ পৰিণামহে যেন ভুগিছে মানৱ জাতিয়ে! দিনক দিনে বৃদ্ধি পাইছে হাতী-মানুহৰ সংঘাত। দৈনিক শিৰোনাম দখল কৰিছে হাতী-মানুহৰ সংঘাতৰ খবৰে। তাৰ মাজতে এইবাৰ ঘটিছে আন এক ঘটনা। বন্য নহয় ঘৰচীয়া গজৰাজে তাণ্ডৱ চলালে ৰাজপথত। খেলনাৰ দৰে শূন্যত ঘূৰালে গাড়ী। কেমেৰাত বন্দী হ’ল হাতীৰ তাণ্ডৱৰ দৃশ্য। বিজয়া দশমীৰ সমদলত ব্যৱহাৰ কৰা হাতীয়ে ল’লে উগ্ৰ ৰূপ। এখন চাৰিচকীয়া বাহন ভাঙি পেলোৱাৰ লগতে আক্ৰমণ কৰিলে বাছতো। দঁতাল হাতীৰ এই ৰূপ দেখি আতংকিত হৈ পৰিল পথচাৰী। মাউত পিঠিত বহি থকা অৱস্থাতে অনিয়ন্ত্ৰিত হৈ পৰে হাতীটো। বিভিন্ন মাধ্যমত ভাইৰেল হৈছে এই দৃশ্য। এই ঘটনা বিহাৰৰ চাপ্ৰাৰ।