৩ ফেব্ৰুৱাৰীত পৰ্যটকৰ বাবে মুকলি হোৱা কাজিৰঙা ৰাষ্ট্ৰীয় উদ্যানৰ পাণবাৰী ৰিজাৰ্ভ ফৰেষ্টত বাৰ্ডিং চাফাৰী মন্ত্ৰী ৰণোজ পেগুৰ।
পাণবাৰীত বাৰ্ডিং চাফাৰী মুকলি কৰাত কাজিৰঙা ৰাষ্ট্ৰীয় উদ্যান কৰ্তৃপক্ষক প্ৰশংসা মন্ত্ৰীজনৰ।শিৱসাগৰলৈ যাত্ৰাৰ সময়ত ক্ষন্তেক সময় ৰৈ বাৰ্ডিং চাফাৰীৰ আনন্দ ল’লে মন্ত্ৰীজনে। হৰ্ণবিল, ইমাৰেল ড’ভ, ৰেকেট টেইল ড্ৰোংগোৰ লগতে বহুসংখ্যক হাবিৰ চৰাই দেখাৰ সৌভাগ্য হ’ল মন্ত্ৰীজনৰ। সময় পালে মৰ্ণিং ৱাকৰ সময়খিনি হাবিৰ ভিতৰত পাৰ কৰে বুলি উল্লেখ কৰে মন্ত্ৰীজনে।
চৰাইৰ প্ৰতি আগ্ৰহী সকল কাজিৰঙাৰ পাণবাৰীলৈ আহিব পাৰে। আনহাতে, কাজিৰঙা চফৰৰ অন্তত ৰাজ্যত শিক্ষকৰ প্ৰতিবাদ সন্দৰ্ভত সমস্যা সমাধানৰ বাবে কেবিনেট উপ সমিতি গঠন কৰা হৈছে। সমিতিৰ পৰামৰ্শমতে চৰকাৰে কাম কৰিব বুলি কয় মন্ত্ৰীজনে।
