ড্ৰাগছৰ ৰামৰাজ্যলৈ পৰিণত হৈছে নেকি চিলাপথাৰ? চিলাপথাৰ আৰক্ষীয়ে গোপন খবৰৰ ভিত্তিতত নতুন মিচিং গাঁৱৰ ডিম্বেশ্বৰ দলেৰ ঘৰত অভিযান চলাই হেৰ’ইন জব্দ কৰাৰ লগতে এখন বগা ৰঙৰ এল্ট’ বাহন জব্দ কৰাৰ ঘটনাৰ মাৰ নৌযাওঁতে পুনৰ সন্ধিয়া ডিম্বেশ্বৰ দলেৰ ঘৰত অভিযান চলাই ৭৬ গ্ৰাম ড্ৰাগছ আৰক্ষীয়ে জব্দ কৰিবলৈ সক্ষম হৈছে। জব্দ কৰা ড্ৰাগছখিনিৰ মূল্য প্ৰায় চাৰি লাখ টকাৰ হ’ব। আৰক্ষীয়ে ৬০ বছৰীয়া ডিম্বেশ্বৰ দলেৰ লগতে ধনেশ্বৰ দলে আৰু পংকজ দলে নামৰ দুজন লোককো আটক কৰিছে। চিলাপথাৰত ড্ৰাগছৰ এক বিশাল ঘাটী থকাৰ সন্দেহ প্ৰকাশ কৰিছে আৰক্ষীয়ে। ড্ৰাগছমুক্ত চিলাপথাৰ কৰাৰ বাবে আৰক্ষীয়ে তীব্ৰ অভিযান অব্যাহত ৰাখিব বুলি সদৰি কৰিছে আৰক্ষীয়ে।
