নিয়ন্ত্ৰণ হেৰুৱাই পথৰ দাঁতিত থকা তামোল গছত খুন্দিয়ালে চুইফট ডিজিয়াৰ বাহনখনে। বৰপেটা জিলাৰ কলগাছিয়া আৰক্ষী থানাৰ অন্তৰ্গত বালাৰপাথাৰত ভয়ংকৰ পথ দুৰ্ঘটনা। উল্লেখযোগ্য যে, বৰপেটা ৰোডৰ পৰা কলগাছিয়া হৈ ৰঙাপানীলৈ গৈ থকা অৱস্থাত AS 15 F 4503 নম্বৰৰ তীব্ৰবেগী চুইফট ডিজায়াৰ বাহনখনে নিয়ন্ত্ৰণ হেৰুৱাই বালাৰপাথাৰৰ এজোপা তামোল গছত খুন্দা মাৰে। ফলত বাহনখন বিধ্বস্ত হৈ পৰাৰ লগতে কথমপি চালকৰ প্ৰাণৰক্ষা পৰে। স্থানীয় ৰাইজে সদৰি কৰা অনুসৰি বাহনখন তীব্ৰবেগে গৈ থকা অৱস্থাত চালকে টোপনি যোৱা বাবে এই দুৰ্ঘটনা সংঘটিত হৈছে।
