ডায়েট ডিব্ৰুগড় আৰু পানীটোলা শিক্ষা খণ্ডৰ মাজত বন্ধুত্বমূলক ক্ৰিকেট খেল অনুষ্ঠিত

ডিব্ৰুগড় জিলাৰ চাবুৱাস্থিত জিলা শিক্ষা আৰু প্ৰশিক্ষণ প্ৰতিষ্ঠান (ডায়েট) আৰু পানীটোলা শিক্ষা খণ্ডৰ মাজত শুক্ৰবাৰে এখন বন্ধুত্বমূলক ক্ৰিকেট খেল অনুষ্ঠিত হয়। খেলখনত পানীটোলা শিক্ষা খণ্ডই ডায়েট ডিব্ৰুগড়ক চাৰি উইকেটত পৰাজিত কৰে। টছত জয়লাভ কৰি প্ৰথমে বেট কৰাৰ সিদ্ধান্ত লৈ ডায়েট ডিব্ৰুগড়ে নিৰ্ধাৰিত ১০ অ’ভাৰত ৪ টা উইকেটৰ বিনিময়ত ১১১ ৰাণ সংগ্রহ কৰে। উচ্চ বৰ্গৰ সহায়ক প্ৰাঞ্জল গগৈয়ে সৰ্বাধিক ৪২ ৰাণ আৰু প্ৰবক্তা স্বৰাজ ফুকনে ২০ ৰাণ সংগ্ৰহ কৰে। পানীটোলা শিক্ষা খণ্ডই লক্ষ্য অনুসৰণ কৰি ৭.৫ অ’ভাৰত ৬ টা উইকেটৰ বিমিময়ত নিৰ্ধাৰিত ৰাণখিনি সংগ্ৰহ কৰিবলৈ সক্ষম হয়। পানীটোলা শিক্ষা খণ্ডৰ হৈ অংকুৰ দত্তই ৫২ ৰাণ আৰু নয়ন তামুলীয়ে ৩০ ৰাণ সংগ্ৰহ কৰি দলৰ জয়ত গুৰুত্বপূৰ্ণ ভূমিকা লয়।

খেলখনৰ পূৰ্বে উভয় দলৰ খেলৱৈসকলক জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ৰ অধ্যক্ষ অনুজ কুমাৰ ভট্টাচাৰ্য আৰু মুখ্য সহায়ক হেমচন্দ্ৰ হাজৰিকাৰ সৈতে চিনাকি কৰি দিয়া হয়।

Popular

More like this
Related

তীব্ৰ বিতৰ্কৰ মাজতে সংসদত গৃহীত হ’ল ৱাকফ সংশোধনী বিধেয়ক

তীব্ৰ বিতৰ্কৰ মাজতে সংসদত গৃহীত হ'ল ৱাকফ সংশোধনী বিধেয়ক।...

অসম-অৰুণাচলৰ সীমান্তৱৰ্তী জামপানিত খাদ্যত বিষক্ৰিয়া

অসম-অৰুণাচলৰ সীমান্তৱৰ্তী জামপানিত খাদ্যত বিষক্ৰিয়া। বিষাক্ত কাঠফুলা খাই অসুস্থ...

ৰঙালী বিহুৰ পূৰ্বে অসমবাসীৰ বাবে ভাল খবৰ

ৰঙালী বিহুৰ পূৰ্বে অসমবাসীৰ বাবে ভাল খবৰ। কাজি নেমু...

চলন্ত গাড়ীত জীৱন-মৰণৰ খেল

চলন্ত গাড়ীত জীৱন-মৰণৰ খেল। ৰাজপথত উদণ্ড যুৱকৰ ভয়ংকৰ কাণ্ড।...