গুৱাহাটী, ১৮ জুন, NKTV: COCA COLAক লৈ বিৰূপ মন্তব্য কৰি সমালোচনাৰ সম্মুখীন হৈছে বিশ্বৰ জনপ্ৰিয় ফুটবল তাৰকা ক্ৰিষ্টিয়ান ৰ’ণাল্ডো। সোমবাৰে EURO 2020ৰ প্ৰেছ কনফাৰেঞ্চৰ সময়ত খেলুৱৈ জনে টেবুলত থকা COCA COLAৰ বটল আঁতৰাই এটা পানী বটল তুলি লোৱা পৰিলক্ষিত হৈছিল। ৩৬ বছৰীয়া ফুটবল খেলুৱৈ জনে “COCA COLA,ugh”বুলি কৰা বিৰূপ মন্তব্যটো ইতিমধ্যে সামাজিক মাধ্যমত ব্যাপকভাৱে ভাইৰেলো হৈ পৰিছে । এই ভিডিঅ’টো ভাইৰেল হোৱাৰ পিছতেই COCA COLA আৰু KFCৰ বাবে খেলুৱৈ জনে পূৰ্বতে কৰা বিজ্ঞাপনসমূহ এতিয়া চোছিয়েল মিডিয়াত ভাইৰেল হৈ পৰিছে। একাংশলোকে ক্ৰিষ্টিয়ান ৰ’ণাল্ডোক সমালোচনা কৰাৰ বিপৰীতে আন একাংশই তেওঁক সমৰ্থন জনাইছে। জেক বাকলেয় নামৰ অষ্ট্ৰেলিয়াৰ এজন জনপ্ৰিয় ইউটিউবাৰে ৰ’ণাল্ডোক ব্যংগাত্মকভাৱে সমালোচনা কৰি টুইট যোগে কয়, “ক্ৰিষ্টিয়ান ৰ’ণাল্ডোয়ে COKE ভাল নাপায় নেকি? হয়তো COCA COLAৰ পৰা তেওঁলৈ চেক অহা বন্ধ হৈ পৰিছে।” ক্ৰিষ্টিয়ান ৰ’ণাল্ডোয়ে COCA COLAকলৈ কৰা এনে বিৰূপ মন্তব্যৰ পিছতেই কোম্পানীটোৱে নিজৰ ব্যৱসায়ত $4 বিলিয়ন টকাৰ লোকচানৰ সম্মুখীন হ’বলগীয়া হৈছে।
