কয়লা মাফিয়াৰ বিৰুদ্ধে কাছাৰত আৰক্ষীৰ অভিযান অব্যাহত আছে৷ নিশা গ্ৰেপ্তাৰ কৰা হৈছে আন এজন কয়লা দালাল ইমৰুল হুছেইন বৰভূঞা৷ কাটিগড়া আৰক্ষীয়ে অভিযান চলাই গ্ৰেপ্তাৰ কৰিছে ইমৰুল হুছেইন বৰভূঞা নামৰ কয়লা দালালটোক৷ নিশাৰ আন্ধাৰত অবৈধ কয়লাভৰ্তি বাহন দিগৰখালত থকা ত্ৰিস্তৰীয় চেকগে’ট পাৰ কৰি দিয়াৰ নামত ধন আদায় কৰিছিল ইমৰুলে। যোৱা বুধবাৰৰ নিশা কয়লাভৰ্তি PB11 BN 5655 নম্বৰৰ এখন বাহন জব্দ হোৱাৰ পিছত গাড়ীচালক ৰাকেশ কুমাৰ সিঙে আৰক্ষীক জনাইছিল যে ইমৰুল নামৰ এজন যুৱকে তেওঁৰ পৰা ৬ হেজাৰ টকা লৈ পাৰ কৰাই দিছিল চেকগে’ট। চালকজনৰ ভাষ্যৰ ভিত্তিত নিশা ইমৰুলক গ্ৰেপ্তাৰ কৰে আৰক্ষীয়ে ৷
