চাৰ্কাছৰ শিল্পীসকলে গুৱাহাটীৰ খানাপাৰাত চলি থকা হুনাৰ হাটৰ মঞ্চত আকৰ্ষণীয় দৃশ্য পৰিৱেশন কৰিছে ৷ শিল্পীসকলৰ আশ্চৰ্যকৰ কাৰ্য্যকলাপ দেখি দৰ্শক আশ্বৰ্যচকিত হৈছে ৷ হুনাৰ হাটত, ৰেম্বো ইণ্টাৰনেচনেল চাৰ্কাছৰ ২৫ জন শিল্পীয়ে বিভিন্ন ধৰণৰ ষ্টাণ্ট প্ৰদৰ্শন কৰি আছে আৰু দৰ্শকক যথেষ্ট মনোৰঞ্জন দিছে। দৰ্শকসকলেও চাৰ্কাছৰ দৃশ্য পচন্দ কৰিছে ৷ বিশেষ কথাটো হ’ল এই চাৰ্কাচৰ শিল্পীসকলৰ আধা অসমৰ আৰু বাকীসকল চুবুৰীয়া ৰাজ্যৰ।
হুনাৰ হাটে চাৰ্কাছৰ কলাক মঞ্চলৈ ঘূৰাই আনিছে। যোৱা কেইবছৰমানত, চাৰ্কাছৰ জনপ্ৰিয়তা হ্ৰাস পাইছে আৰু মানুহৰ মানস পটৰ পৰা চাৰ্কাছ আঁতৰি গৈছে। এনে পৰিস্থিতিত চাৰ্কাছক মানুহৰ মাজলৈ ঘূৰাই অনা আৰু চাৰ্কাছৰ শ্ৰেষ্ঠ শিল্পীসকলৰ কলাক পুনৰ মঞ্চত সুযোগ দিয়াৰ মহান কাম কৰিছে হুনাৰ হাটে। গুৱাহাটীৰ হুনাৰ হাটলৈ অহা বিখ্যাত ৰেম্বো ইণ্টাৰনেচনেল চাৰ্কাছৰ অপাৰেটৰ সুজিত দিলীপে কয় যে তেওঁৰ চাৰ্কাছৰ শিল্পীসকলৰ কাম নোহোৱাৰ ফলত আৰ্থিক অৱস্থা বেয়া হৈ গৈছিল।
ক’ভিডৰ বাবে, পৰিস্থিতি অধিক বেয়া হৈ গৈছিল। প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় সংখ্যালঘু পৰিক্ৰমা মন্ত্ৰী মুখতাৰ আব্বাছ নাকভিয়ে হুনাৰ হাটৰ দৰে এখন মঞ্চ প্ৰদান কৰি তেওঁৰ আৰু তেওঁৰ শিল্পীসকলক যথেষ্ট অনুগ্ৰহ কৰিছে। চাৰ্কাছৰ শিল্পীসকলো যথেষ্ট সুখী হৈছে। তেওঁও সুখী যে পুনৰ তেওঁ নিজৰ কলা প্ৰদৰ্শন কৰাৰ সুযোগ পাইছে, আৰু হুনাৰ হাটৰ পৰা তেওঁৰ ঘৰ চলোৱাত যথেষ্ট আৰ্থিক সহায় লাভ কৰিছে।
হুনাৰ হাটত প্ৰতিদিনে ৩টাকৈ চাৰ্কাছ দৰ্শনী অনুষ্ঠিত হৈ আছে। দুপৰীয়া ১ বজাত, আবেলি ৩ বজাত আৰু সন্ধিয়া ৫ বজাত, চাৰ্কাছ শিল্পীসকলে গুৱাহাটী আৰু ওচৰৰ অঞ্চলৰ পৰা অহা দৰ্শকৰ হৃদয় জয় কৰি আশ্চৰ্যজনক কৃতিত্ব প্ৰদৰ্শন কৰি আছে। এই শিল্পীসকলৰ ষ্টাণ্ট দেখি মানুহ আচৰিত হৈছে। শিশুসকলে বিশেষকৈ চাৰ্কাছ ভাল পাইছে। জ্যেষ্ঠসকলৰ বাবে চাৰ্কাছ চোৱা আৰু তেওঁলোকৰ পুৰণি স্মৃতি ৰোমন্থন কৰাটোও এক আনন্দদায়ক অভিজ্ঞতা। শিল্পীগৰাকীৰ কলাক সন্মান আৰু স্বীকৃতি দিয়াৰ উদ্দেশ্যৰে কেন্দ্ৰীয় সংখ্যালঘু পৰিক্ৰমা মন্ত্ৰালয়ে হুনাৰ হাটৰ জৰিয়তে নিৰন্তৰে গুৰুত্বপূৰ্ণ প্ৰচেষ্টা চলাই আহিছে।
চাৰ্কাছৰ উপৰিও সংগীত আৰু সাংস্কৃতিক অনুষ্ঠানৰ এক বিশেষ শৃংখলাও উপস্থাপন কৰা হৈছে যাৰ অধীনত দেশৰ বহুতো ডাঙৰ আৰু প্ৰখ্যাত শিল্পীয়ে হুনাৰ হাটত অংশগ্ৰহণ কৰিছে আৰু গুৱাহাটীৰ অধিবাসীসকলক তেওঁলোকৰ কলাৰে মনোৰঞ্জন দিছে। আগন্তুক দিনত, বিখ্যাত নেপথ্য গায়ক সুৰেশ ৱাডকাৰ, মহালক্ষ্মী আয়াৰ, সুদেশ ভোচলে, স্বৰ্গীয় কিশোৰ কুমাৰৰ পুত্ৰ অমিত কুমাৰ আৰু আন বহুতো শিল্পীয়ে তেওঁলোকৰ আকৰ্ষণীয় সংগীতানুষ্ঠান প্ৰদৰ্শন কৰিব।