পশ্চিম বংগৰ বীৰভূমকাণ্ডৰ CBI তদন্তৰ নিৰ্দেশ। কলকাতা উচ্চ ন্যায়ালয়ে তদন্তৰ নিৰ্দেশ দিছে এই ঘটনাৰ। অহা ৭ এপ্ৰিলত প্ৰতিবেদন প্ৰতিবেদন দাখিলৰ নিৰ্দেশ উচ্চ ন্য়ায়ালয়ৰ। উল্লেখ্য যে, সোমবাৰৰ ঘটনাৰ পিছতে ভয়াৱহ ৰূপ ধাৰণ কৰিছে ৰাজনৈতিক হিংসাই। বীৰভূমত কেইবাটাও বাসগৃহত অগ্নিসংযোগৰ ফলত ৮জনকৈ লোকৰ মৃত্যু হৈছে। এজন ৰাজনৈতিক নেতাৰ হত্যাৰ প্ৰতিশোধ মৰ্মেই এই হিংসাত্মক পৰিস্থিতিৰ সৃষ্টি হৈছে বুলি অভিযোগ উত্থাপন হৈছে। বীৰভূমৰ ৰামপুৰহাটত দুৰ্বৃত্তৰ বোমা আক্ৰমণৰ ফলত তৃণমূল কংগ্ৰেছৰ পঞ্চায়ত নেতা ভাদু প্ৰধান নিহত হৈছিল। এই হত্যাকাণ্ডৰ প্ৰতিশোধ স্বৰূপেই কেইবাটাও ঘৰত জুই লগোৱা হয় বুলি সন্দেহ কৰা হৈছে। ঘৰবোৰত অগ্নি সংযোগ কৰাৰ পূৰ্বে ঘৰৰ দুৱাৰবোৰ বাহিৰৰ পৰা বন্ধ কৰি দিয়া হৈছিল বুলিও স্থানীয় ৰাইজৰ অভিযোগ। এই ঘটনাৰ পিছতে মমতা বেনাৰ্জী চৰকাৰে ৰামপুৰহাট আৰক্ষী থানাৰ ভাৰপ্ৰাপ্ত বিষয়া আৰু উপ-বিভাগীয় আৰক্ষী বিষয়াক তাৎক্ষণিকভাবে নিলম্বন কৰিছিল। ইতিপূৰ্বে জ্যেষ্ঠ বিষয়া জ্ঞানৱন্ত সিং, মিৰাজ খালিদ আৰু সঞ্জয় সিঙক লৈ তিনিজনীয়া বিশেষ অনুসন্ধান দল গঠন কৰিছিল।
