শ্ৰীলংকাৰ অৰ্থনৈতিক মন্দাবস্থাৰ সময়তে তাৎক্ষণিকভাৱে ২৬জন মন্ত্ৰীয়ে পদত্যাগ কৰে। শিক্ষা মন্ত্ৰী তথা সদনৰ নেতা দিনেশ গুণৱাৰ্দনায়ে কয় যে ক্ৰীড়া মন্ত্ৰী তথা ৰাষ্ট্ৰপতিৰ ভতিজা নমাল ৰাজপাক্ষেকে ধৰি কেবিনেট মন্ত্ৰীসকলে প্ৰধানমন্ত্ৰী মহিন্দা ৰাজপাকচাক তেওঁলোকৰ পদত্যাগপত্ৰ প্ৰদান কৰে।
দেওবাৰে শ্ৰীলংকাৰ পশ্চিম প্ৰদেশত কাৰফিউ উলংঘা কৰাৰ বাবে আৰু দেশৰ অৰ্থনৈতিক সংকটৰ প্ৰতিবাদত চৰকাৰ বিৰোধী সমদল অনুষ্ঠিত কৰাৰ চেষ্টা কৰাৰ বাবে ৬০০ৰো অধিক লোকক গ্ৰেপ্তাৰ কৰা হৈছিল।
সাজিথ প্ৰেমাদাছাৰ নেতৃত্বত বিৰোধী আইন প্ৰণেতাসকলে দেওবাৰে পৰিকল্পিত প্ৰতিবাদৰ পূৰ্বে শনিবাৰে চৰকাৰে জাৰি কৰা কাৰফিউক অস্বীকাৰ কৰি কলম্বোৰ প্ৰতিষ্ঠিত স্বাধীনতা স্কোৱেৰৰ অভিমুখে এক পদযাত্ৰা আৰম্ভ কৰিছিল। আৰু অৰ্থনৈতিক সংকটৰ লগতে অত্যাৱশ্যকীয় সামগ্ৰীৰ অভাৱৰ বাবে মানুহৰ ওপৰত হোৱা কষ্টৰ বিৰুদ্ধে সামাজিক মাধ্যমৰ কৰ্মীসকলে এই প্ৰতিবাদৰ আয়োজন কৰিছিল। দেওবাৰে হোৱা প্ৰতিবাদত পশ্চিম প্ৰদেশত মুঠ ৬৬৪জন লোকক গ্ৰেপ্তাৰ কৰা হয়।
আনহাতে, শ্ৰীলংকা চৰকাৰে দেওবাৰে দেশজুৰি ৰাজহুৱা জৰুৰীকালীন অৱস্থা ঘোষণা কৰাৰ পিছতে হোৱাটছএপ, টুইটাৰ, ফেচবুক আৰু ইনষ্টাগ্ৰামৰ দৰে ছ’চিয়েল মিডিয়া প্লেটফৰ্মত আৰোপ কৰা নিষেধাজ্ঞা প্ৰত্যাহাৰ কৰে। এজন বিষয়াই জনোৱা অনুসৰি ফেচবুক, টুইটাৰ, ইউটিউব, ইনষ্টাগ্ৰাম, স্নেপচ্যাট, হোৱাটছএপ, টেলিগ্ৰাম আৰু ফেচবুক মেচেঞ্জাৰৰ সেৱা ১৫ ঘণ্টাৰ পিছত পুনৰুদ্ধাৰ কৰা হয়।
চৰকাৰী মিত্ৰজোঁটৰ দলসমূহে দেশখনক অৰ্থনৈতিক সংকটৰ পৰা উদ্ধাৰ কৰিব বাবে অতি শীঘ্ৰেই তত্বাৱধায়ক কেবিনেট নিয়োগ কৰিবলৈ দাবী জনাইছে।
