কাছাৰৰ লায়লাপুৰত জব্দ প্ৰায় ১৪ লাখ টকাৰ বাৰ্মিজ চুপাৰি। মিজোৰামৰ পৰা অবৈধভাৱে সৰবৰাহ কৰাৰ সময়ত কাছাৰৰ লায়লাপুৰ জব্দ হয় তিনি খন চুপাৰি ভৰ্তি ট্ৰাক৷ তিনিখন ট্ৰাকৰ পৰা জব্দ ২,৮০০ কেজি বাৰ্মিজ চুপাৰি৷ লগতে আৰক্ষীয়ে গ্ৰেপ্তাৰ কৰে বাহন তিনি খনৰ চালক ক্ৰমে জালাল আহমেদ, শ্বাহজাহান আহমেদ আৰু ফিৰোজ আহমেদক৷
ধৃত আটাইকেইজনৰ ঘৰ কাছাৰৰ ধলাইত বুলি জানিব পৰা গৈছে৷ অসম মিজোৰাম সীমান্তৰ খুলিচৰা হৈ এই তিনিখন চুপাৰি ভৰ্তি বাহন প্ৰৱেশ কৰাৰ সময়ত লায়লাপুৰ আৰক্ষীয়ে জব্দ কৰে বাহন কেইখন৷
