৩১ জানুৱাৰীৰ পৰা অনুষ্ঠিত হ’ব সংসদৰ বাজেট অধিৱেশন। ৮ এপ্ৰিললৈ অনুষ্ঠিত হ’ব এইবাৰৰ বাজেট অধিৱেশন। ৩১ জানুৱাৰীত সংসদৰ যুটীয়া অধিৱেশনত ৰাষ্ট্ৰপতি ৰামনাথ কোবিন্দৰ ভাষণেৰে আৰম্ভ হ’ব বাজেট অধিৱেশনৰ। ১ ফেব্ৰুৱাৰীত বিত্তমন্ত্ৰী নিৰ্মলা সীতাৰমণে সংসদত দাখিল কৰিব ২০২২–২০২৩ বৰ্ষৰ সাধাৰণ বাজেট। ১১ ফেব্ৰুৱাৰীলৈ অনুষ্ঠিত হ’ব বাজেট অধিৱেশনৰ প্ৰথমাৰ্ধ।
এমাহ বিৰতিৰ অন্তত ১৪ মাৰ্চৰ পৰা ৮ এপ্ৰিললৈ অনুষ্ঠিত হ’ব বাজেট অধিৱেশনৰ পৰৱৰ্তী কাৰ্যসূচী। ক’ভিড মহামাৰীৰ সংহাৰে বাজেট অধিৱেশনকলৈ সৃষ্টি কৰিছিল অনিশ্চয়তা। শেহতীয়াকৈ সংসদভৱনৰ ৪০০তকৈও অধিক কৰ্মচাৰী আক্ৰান্ত হৈছিল ক’ভিডত। উল্লেখ্য যে বিগত বৰ্ষত দেশৰ সাধাৰণ বাজেট আছিল ৩৪.৪ লাখ কোটি টকাৰ। ২০২২–২৩ বৰ্ষত দেশৰ সাধাৰণ বাজেট ৪০ লাখ কোটি টকালৈ বৃদ্ধিৰ সম্ভাৱনা।
