চলন্ত ৰে’লত দুৰ্বৃত্তৰ আক্ৰমণৰ সন্মুখীন হয় দুলীয়াজানৰ বিজেপি বিধায়ক তেৰছ গোৱালা। লামডিঙত নিশা চাঞ্চল্যকৰ ঘটনা। বিধায়কজনে পত্নী আৰু সন্তানসহ গুৱাহাটীৰ পৰা ডিব্ৰুগড়লৈ যাত্ৰা কৰাৰ সময়তে ৰাজধানী এক্সপ্ৰেছৰ A3 ডবাত সংঘটিত হয় এই ঘটনা। বিধায়কজন থকা ডবাটোত লামডিঙৰ পৰা গৈছিল ৰমাকান্ত ৰয় নামৰ আন এজন যাত্ৰী। ডবাৰ লাইট বন্ধ কৰাক লৈ লোকজনে প্ৰথমে বিধায়কজনক দুৰ্ব্যৱহাৰ কৰে। ঘটনাক লৈ দুয়োৰে মাজত তৰ্কাতৰ্কি হয়। ইয়াৰ পিছতে ৰমাকান্ত ৰয়ে অতৰ্কিতে আক্ৰমণ কৰে বিধায়ক তেৰছ গোৱালাক।
ইয়াৰ পিছতে বিধায়কজনে ৰে’লৱেৰ উচ্চপদস্থ বিষয়াৰ সৈতে যোগাযোগ কৰাত লামডিং ৰে’লৱে ষ্টেচনত উপস্থিত হয় আৰু অভিযুক্ত ৰমাকান্ত ৰয়ক আটক কৰে। ইপিনে বিধায়কজনক চলন্ত ৰে’লতে আক্ৰমণৰ খবৰ পোৱাৰ পিছতে স্থানীয় বিধায়ক শিবু মিশ্ৰসহ বহু লোক ষ্টেচনত উপস্থিত হয়। এই ঘটনাক লৈ নিশা লামডিং ৰে’লৱে ষ্টেচনত সৃষ্টি হয় উত্তপ্ত পৰিস্থিতিৰ। পিছত আৰক্ষীয়ে অভিযুক্ত লোকজনক কৰায়ত্ত কৰি নিয়ন্ত্ৰণ কৰে পৰিস্থিতি।
Ищите в гугле