কিছু লোকে তিতা সোৱাদৰ বাবে তিতাকেৰেলা খাবলৈ পছন্দ নকৰে। কিন্তু তিতাকেৰেলা স্বাস্থ্যৰ বাবে যথেষ্ঠ উপকাৰী। তিতা কেৰেলাই ৰোগ প্ৰতিৰোধকাৰী ক্ষমতা বঢ়াই আৰু বহু ৰোগৰ পৰা ৰক্ষা কৰে। তিতা কেৰেলাই গাঠিৰ বিষ, বমি ভাব, ডায়েৰিয়া আৰু মেদৰ পৰা মুক্তি দিয়ে। অৱশ্যে ঔষধি গুণেৰে পৰিপূৰ্ণ তিতা কেৰেলাৰ ৰস উলিয়ায়ো খাব পাৰে। কফ, কোষ্ঠকাঠিন্য, পাচনজনিত ৰোগ, হজম শক্তি ভাল কৰাত সহায়ক। হাঁপানী ৰোগীসকলে তিতা কেৰেলা খালে উপকাৰ পোৱা যায়। পেটত গেছ আৰু বদহজমৰ ক্ষেত্রত তিতা কেৰেলাৰ ৰসে দীৰ্ঘকাল ধৰি এই ৰোগ নিৰাময় কৰিব পাৰে। তিতা কেৰেলাৰ ৰসে লিভাৰ শক্তিশালী কৰে আৰু লিভাৰৰ সমস্যা দূৰ কৰে। জণ্ডিছত প্ৰতিদিনে এক গিলাচ তিতা কেৰেলাৰ ৰস খালে উপশম হয়। ডায়েবেটিচ ৰোগী সকলৰ বাবেও অতি উপকাৰী। তিতা কেৰেলাৰ ৰসে মেদবহুলতা কমোৱাতো যথেষ্ট সহায় কৰে।
