আজি হেঁপাহৰ ভোগালী বিহু। ক’ভিডসৃষ্ট পৰিৱেশৰ মাজতে অসমীয়াই পালন কৰিছে ভোগালী। উৰুকাৰ নিশা লগে ভাগে এসাঁজ খোৱাৰ পিছত আজি পুৱাই পৰম্পৰা ৰক্ষা কৰি মেজি জ্বলাইছে সকলোৱে।
লখিমীক ঘৰলৈ আদৰাৰ পিছত পুহ আৰু মাঘৰ সংক্ৰান্তিত পালন কৰা হয় মাঘ বিহু। মেজি জ্বলাবলৈ ওলাই আহিছে ডেকা–বুঢ়া, জীয়ৰী বোৱাৰী সকলো। মাঘৰ মেজিৰ জুয়ে সমাজৰ সকলো অসূয়া-অমংগল নাশ কৰি সকলোৰে জীৱনলৈ কঢ়িয়াই আনক অনাবিল সুখ, শান্তি আৰু সমৃদ্ধি।
