পুৰুষ IPLৰ বৃহত্তম সফলতাৰ পিছত এইবাৰ মহিলা IPLক এক নতুন দিগন্ত দিব খুজিছে BCCI-এ। BCCIৰ সভাপতি সৌৰভ গাংগুলীয়ে মহিলাৰ IPLৰ ওপৰত এটা ডাঙৰ আপডেট দিছে। গাংগুলীয়ে কয় যে “এই বছৰৰ মহিলাৰ টি-২০ চেলেঞ্জ ট্ৰফী বা মিনি মহিলা IPL মে মাহত অনুষ্ঠিত হ’ব। আৰু আশা কৰোঁ ভৱিষ্যতে আমি এখন ডাঙৰ মহিলা IPL আয়োজন কৰিবলৈ সক্ষম হ’ম, কিন্তু এই বছৰ IPL প্লে অফৰ সময়ত মহিলাৰ টি-২০ চেলেঞ্জ ট্ৰফী আমি অনুষ্ঠিত কৰিম।”
মহিলাৰ টি-২০ চেলেঞ্জ ট্ৰফীত ৩টা দলে অংশগ্ৰহণ কৰে। দলৰ নাম কেইটা হৈছে চুপাৰনোভা, ভেলোচিটি আৰুট্ৰেইল ব্লেজাৰ। এতিয়ালৈকে, প্ৰতিযোগিতাখন মাত্ৰ তিনিবাৰ অনুষ্ঠিত হৈছে। ২০১৮ আৰু ২০১৯ চনত, চুপাৰনোভাই খিতাপ জিকিছিল আনহাতে ২০২০ চনত, ট্ৰেইল ব্লেজাৰে খিতাপ জিকিছিল। অৱশ্যে, যোৱা বছৰ ক’ভিডৰ বাবে এই প্ৰতিযোগিতাখন খেলিব পৰা নগ’ল।