পুনৰ বহি:ৰাজ্যত প্ৰাণ হেৰুৱালে অসমৰ যুৱকে। বিহাৰত ভয়ংকৰ পথ দুৰ্ঘটনাত নিহত হ’ল অসমৰ যুৱক।
নিহত যুৱকজন নলবাৰী জিলাৰ সাগৰকুছিৰ ভাস্কৰ কলিতা। ৩১বছৰীয়া ভাস্কৰৰ ১৭ ডিচেম্বৰত নলবাৰীৰ পৰা পাঞ্জাৱৰ ভাটিন্দালৈ ব্যৱসায়িক কামত গৈছিল। উভতি বিহাৰৰ মুজাফ্ফপুৰত সোমবাৰে সংঘটিত হৈছিল দুৰ্ঘটনা।
এই দুৰ্ঘটনাত ভাস্কৰ কলিতা নিহত হোৱাৰ বিপৰীতে বৰ্তমানেও ICUত চিকিৎসাধীন আন ২জন বন্ধু। উল্লেখ্য যে উচ্চশিক্ষিত ভাস্কৰ আছিল ঝাড়ু ব্যৱসায়ৰ সৈতে জড়িত৷ নলবাৰীৰ ঝাড়ু বহিঃ ৰাজ্যত বিক্ৰীৰ বাবে ব্যৱসায়ীৰ সৈতে কথা পাতিবলৈ গৈছিল পাঞ্জাৱলৈ৷
