অসম চৰকাৰে আৰক্ষী বিভাগত ব্যাপক ৰদ-বদলৰ নিৰ্দেশ জাৰি কৰিছে। এই ৰদ-বদলৰ জৰিয়তে ৩৬জন আৰক্ষী বিষয়াক নতুন পদ আৰু স্থানত বিন্যাস কৰা হৈছে, এইসকলৰ ভিতৰত বহু জ্যেষ্ঠ আৰক্ষী বিষয়াও অন্তৰ্ভুক্ত।
- শ্ৰীভূমিৰ SSP পাৰ্থ প্ৰতিম দাসক বদলি কৰি কাছাৰ জিলাৰ SSP হিচাপে দায়িত্ব দিয়া হৈছে। পূৰ্বে শ্ৰীভূমিৰ SSP হিচাপে কাৰ্যনিৰ্বাহ কৰি থকা দাসে এতিয়া কাছাৰৰ দায়িত্ব গ্ৰহণ কৰিব।
- শ্ৰীভূমিৰ নতুন SSP হিচাপে লীনা দলেক দায়িত্ব।
- ধুবুৰীৰ SSP হিচাপে দেৱাশীষ বৰাক নিযুক্ত কৰা হৈছে। ধুবুৰী জিলাৰ নতুন SSP হিচাপে বৰাই দায়িত্ব গ্ৰহণ কৰিব।
- কাছাৰৰ SSP নোমল মাহাতোক বদলি কৰি কোকৰাঝাৰ জিলাৰ SSP পদত নিযুক্ত কৰা হৈছে। মাহাতোৰ নতুন দায়িত্ব কোকৰাঝাৰত।
- কোকৰাঝাৰৰ SSP পুষ্পৰাজ সিঙক বদলি কৰি কাৰ্বি আংলং জিলাৰ SSP হিচাপে নিযুক্ত কৰা হৈছে।
- কাৰ্বি আংলঙৰ SSP সঞ্জীৱ কুমাৰ শইকীয়াক কামৰূপ জিলালৈ বদলি কৰা হৈছে।
- শিৱসাগৰৰ SSP শুভ্ৰজ্যোতি বৰাক বদলি কৰি যোৰহাট জিলালৈ পঠোৱা হৈছে।
- যোৰহাটৰ SSP শ্বেতাংক মিশ্ৰক ৪এ পি বি এনলৈ বদলি কৰা হৈছে। মিশ্ৰৰ নতুন দায়িত্ব ৪ৰ্থ অসম পুলিচ বেটেলিয়নত হ’ব।
- ডিমা হাছাওৰ SSP মায়ং কুমাৰক তিনিচুকীয়ালৈ বদলি কৰা হৈছে।
- এ আই জি ৰিপুঞ্জয় কাকতিক বদলি কৰি ডিমা হাছাওৰ নতুন SSP হিচাপে নিযুক্ত কৰা হৈছে।
- বিশ্বনাথৰ SSP শুভাশীষ বৰুৱাক বদলি কৰি শিৱসাগৰৰ নতুন SSP হিচাপে দায়িত্ব দিয়া হৈছে।
- বজালীৰ SSP এ বসুমতাৰীক বিশ্বনাথ জিলালৈ বদলি কৰা হৈছে। বসুমতাৰীৰ নতুন দায়িত্ব বিশ্বনাথত।
