ক’ভিড মহামাৰীৰ বাবে অনুষ্ঠিত নোহোৱা দুটা বছৰৰ পিছত এইবাৰ পুনৰ কামাখ্যা মন্দিৰত অম্বুবাচী মেলা পাতিবলৈ চলিব যো-জা। মন্দিৰ কৰ্তৃপক্ষ আৰু কামৰূপ মেট্ৰ’ জিলা প্ৰশাসনৰ মাজত হোৱা বৈঠকৰ পিছত ঘোষণা কৰে এই কথা। জানিবলৈ দিয়ে যে, জুন মাহৰ ২২ তাৰিখৰ পৰা আৰম্ভ হ’বলগীয়া এই অম্বুবাচী মেলা অন্ত পৰিব ২৬ জুনত।
মন্দিৰ কৰ্তৃপক্ষ আৰু ভক্তসকলে এই বছৰৰ অম্বুবাচী মেলাত ইয়াৰ পূৰ্বৰ উছাহৰ মাজেৰেই অনুষ্ঠিত কৰিব। অম্বুবাচী মেলাৰ ৰীতি-নীতিৰ বাবে মন্দিৰ কতৃপক্ষই ৰাইজক মন্দিৰ দৰ্শন কৰিবৰ বাবে অনুমতি প্ৰদান নকৰিব। আৰু এই নিয়ম ২২ জুনৰ নিশা ৮:১৬ৰ পৰা কাৰ্যকৰী কৰা হ’ব আৰু ২৬ জুনৰ ৰাতিপুৱাৰ লৈকে এই নিয়ম চলি থাকিব। আনহাতে যোৱা বছৰ ক’ভিড মহামাৰীৰ বাবে কামাখ্যা মন্দিৰত অম্বুবাচী মেলা কেৱল বৈদিক ৰাতি নীতিৰে পালন কৰা হৈছিল। যোৱা বছৰৰ অম্বুবাচী মেলাত প্ৰশাসনে মন্দিৰৰ চৌহদত ভক্ত আৰু দৰ্শনাৰ্থীসকলক প্ৰৱেশ কৰিবলৈ দিয়া হোৱা নাছিল।