ৰাছিয়া আৰু ইউক্ৰেইনৰ যুদ্ধ চলি থকাৰ মাজতে ইউক্ৰেইনত আবদ্ধ ভাৰত তথা অসমৰ বহু শিক্ষাৰ্থী। সন্মুখীন হৈছে নানান সমস্যাৰ। আৰু সেই আবদ্ধ হৈ থকা অসমৰ শিক্ষাৰ্থীক উদ্ধাৰৰ বাবে বৈদেশিক পৰিক্ৰমা মন্ত্ৰালয়লৈ পত্ৰ লিখিলে সাংসদ অজিত কুমাৰ ভূঞাই।
ৰাজ্যসভাৰ সাংসদগৰাকীয়ে বৈদেশিক পৰিক্ৰমা মন্ত্ৰালয়লৈ লিখিছে যে – ইউক্ৰেইনৰ চহৰ ছুমিত আবদ্ধ হৈ আছে মোৰ ৰাজ্যৰ প্ৰায় ৫৭জন শিক্ষাৰ্থী আৰু আবদ্ধ শিক্ষাৰ্থীকেইগৰাকীৰ সৈতে ফোনযোগে সকলো পৰিস্থিতি সম্পৰ্কে কথা পাতো মই। বৈদেশিক পৰিক্ৰমা মন্ত্ৰালয়ে উদ্ধাৰৰ বাবে যাৱতীয় ব্যৱস্থা কৰিছে যদিও তেওঁলোকে হেনো পোৱা নাই কোনো সহাৰি।
গতিকে আবদ্ধ হৈ থকা আটাইকেইগৰাকী শিক্ষাৰ্থীকে যিকোনো প্ৰকাৰে উদ্ধাৰ কৰিবৰ বাবে বৈদেশিক পৰিক্ৰমা মন্ত্ৰালয়লৈ লিখা হ’ল এই পত্ৰ।
