শিৱৰাত্ৰিৰ আনন্দৰ মাজতে ৰাজ্যত সংঘটিত হৈছে পথ দুৰ্ঘটনা। ধেমাজি জিলাৰ জোনাই মহকুমাৰ ৫১৫নং ৰাষ্ট্ৰীয় ঘাইপথ ৰায়েং তিনিআলিত ভয়ংকৰ পথ দুৰ্ঘটনা সংঘটিত হৈছে।
৫১৫নং ৰাষ্ট্ৰীয় ঘাইপথ ৰায়েং তিনিআলিত FZ পুৰণি মডেলৰ এখন বাহন আৰু ছুইফট ডিজায়াৰ বাহনৰ মাজত সংঘৰ্ষ হয়।
এই সংঘৰ্ষত বাইক আৰোহী দুজন গুৰুতৰভাবে আহত হৈছে। গুৰুতৰভাবে আহত জোনাইৰ লাইমেকুৰীৰ জিতেন দলে আৰু দীনেশ মিচং।
সংকটজনক অৱস্থাত থকা দুয়োজন যুৱকক প্ৰথমে জোনাই অসামৰিক চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে ডিব্ৰুগড়স্থিত অসম চিকিৎসা মহাবিদ্যালয়লৈ প্ৰেৰণ কৰা হয়।