দক্ষিণ কামৰূপৰ কুকুৰমাৰাৰ সমীপৰ বৰ তেজপুৰত পথ দুৰ্ঘটনা। ১৭ নম্বৰ ৰাষ্ট্ৰীয় ঘাইপথত সংঘটিত হৈছে এই দুৰ্ঘটনা। দুৰ্ঘটনাত তিনিগৰাকী মহিলা গুৰুতৰভাবে আহত হৈছে। এখন দ্ৰুতবেগী ট্ৰাকে মহিলাকেইগৰাকীক খুন্দা মাৰি পলাই যায় ট্ৰাকখন। আহত মহিলাকেইগৰাকী ৰঞ্জনা দাস (৫২), মইনা দাস(৪৮) আৰু ফটোবালা দাস (৪৭)। আহত তিনিওগৰাকী মহিলাৰ ঘৰ ছয়গাঁও থানাৰ অন্তৰ্গত ৩ নং আমত’লাত । তিনিওগৰাকী মহিলা নামতি আছিল। মধুপুৰৰ বিয়া এখনত দৰাক গা ধোৱাবলৈ গৈছিল আয়তীকেইগৰাকী। দীৰ্ঘ সময় 108 উপস্থিত নোহোৱাত স্থানীয় ৰাইজে ৰামপুৰ চিকিৎসালয়লৈ মহিলা কেইগৰাকীক নিয়ে যদিও উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে আটাইকেইগৰাকী মহিলাক। ঘটনাৰ পিছতে ছয়গাঁও, কুকুৰমাৰা, পলাশবাৰী, বিজয়নগৰ আৰক্ষীয়ে সহযোগিতা আগবঢ়ায়।
