আফগানিস্তানত তালিবানৰ উত্থানক লৈ উদ্বিগ্ন হৈ পৰিছে ভাৰত। কেৱল ভাৰতেই নহয় আফগানিস্তানৰ এই তাৎক্ষণিক ঘটনাৰ প্ৰভাব পৰিছে সমগ্ৰ বিশ্বতে। ছোভিয়েট ইউনিয়নে আফগানিস্তান ত্যাগ কৰাৰ সময়তো বিশ্বজুৰি এনে প্ৰভাব দেখিবলৈ পোৱা গৈছিল। জম্মু–কাশ্মীৰৰ পৰা পাঞ্জাৱলৈ সকলোতে ইয়াৰ প্ৰভাৱ দেখা গৈছিল। তালিবানৰ উত্থানৰ ফলত পাকিস্তান সীমান্ত সম্পূৰ্ণৰূপে উন্মক্ত হৈ পৰিব আৰু ইয়াৰ প্ৰভাৱ ভাৰত বিশেষভাৱে পৰাৰ সম্ভাৱনা আছে। আফগানিস্তান চৰকাৰে ভাৰত আৰু আমেৰিকাৰ সহযোগত দেশখনত যি আন্তঃগাথনিৰ বিকাশ ঘটাইছিল সেইবোৰক তালিবানে এতিয়া ভাৰতৰ বিৰুদ্ধেই ব্যৱহাৰ কৰিব পাৰে। বিষয়টো ভাৰতৰ বাবে এই মুহূৰ্তত যথেষ্ট সংবেদনশীল ৰূপে বিবেচিত হৈছে। আফগানিস্তানৰ পৰা মাৰ্কিন সেনা প্ৰত্যাহাৰৰ পিছতেই তালিবান অধিক শক্তিশালী হৈ পৰিছে আৰু ইয়াৰ লগে লগে চীনৰ স’তে তালিবানৰ সম্পৰ্ক অধিক ঘনিষ্ঠ হৈ পৰিছে। পাকিস্তান আৰু চীনৰ সহযোগত তালিবানে ভাৰতৰ প্ৰতি বিশেষ ভাবুকিৰ সৃষ্টি কৰিছে। পাকিস্তানৰ ৰাজনৈতিক দল টেহৰিক ই তালিবানে ইতিমধ্যে সন্ত্ৰাসবাদী সংগঠনৰ সৈতে সম্পৰ্ক স্থাপন কৰিছে। চীন আৰু পাকিস্তানৰ সৈতে মিলি ভাৰতৰ বাবে যি ভাবুকিৰ সৃষ্টি কৰিছে তাক প্ৰতিহত কৰাটোৱে এতিয়া ভাৰতৰ বাবে হ’ব তীব্ৰ প্ৰত্যহ্বান।
