যোৰহাটত ভুৱা চিকিৎসক গ্ৰেপ্তাৰ। দুৰ্ঘটনাত মৃত্যু হোৱা লোকৰ পৰিয়ালৰ পৰা ধন বিচাৰিছিল ভুৱা চিকিৎসকে। পৰিয়ালক ৫ লাখ ২৫ হাজাৰ টকাৰ ভুৱা বিল দি টকা বিচাৰিছিল আহমেদ আলীয়ে। চিটি অৰ্থ’পেডিক নামৰ চিকিৎসালয়ৰ ICU ইনচাৰ্জ হিচাপে কৰ্মৰত আহমেদ আলী। টকা নিদিয়াৰ বাবে ২৪ ঘণ্টাৰো অধিক সময় ৰাখি থৈছিল মৃতদেহ। পৰিয়ালে ১ লাখ টকা দিয়াৰ পিছতো পুনৰ ৪ লাখ টকা বিচাৰিছিল আহমেদ আলীয়ে। বৈধ বিল নিদি পুনৰ ৪ লাখ টকাৰ হাতে লিখা বিল দিছিল মৃতকৰ পৰিয়ালক। ঘটনা পোহৰলৈ অহাৰ পাছতেই যোৰহাটত সৃষ্টি হয় তীব্ৰ প্ৰতিক্ৰিয়াৰ। শনিবাৰে ভুৱা চিকিৎসক আহমেদ আলীক গ্ৰেপ্তাৰ কৰে যোৰহাট আৰক্ষীয়ে।
পূৰ্বেও চাবুৱাত গ্ৰেপ্তাৰ হৈছিল এই একেজন ভুৱা চিকিৎসক। চাবুৱাত ডা: য়াকুব আলী আহমেদ নাম লৈ চাহ বাগানৰ চিকিৎসালয়ত কৰ্মৰত আছিল।
