কাজিৰঙাত কিমানটা বাচি থাকিল টংলাৰ বগলী পোৱালী?

গুৱাহাটী, ২৮ জুন, NKTV: কিছুদিন পূৰ্বে টংলা পৌৰসভাই সংঘটিত কৰিছিল অমানৱীয় কাণ্ড। কৰ’না মহামাৰী বিয়পাৰ আশংকাত বগলীৰ বাহ থকা বহু বাঁহ গছ কাটিছিল টংলা পৌৰসভাই। বগলীৰ বিষ্ঠাই চৌপাশে দূৰ্গন্ধৰ সৃষ্টি কৰাৰ অভিযোগ তুলি বাঁহ গছত আশ্ৰয় লোৱা শ শ বগলীক আশ্ৰয়হীন কৰিছিল টংলা পৌৰসভাই। পৌৰসভাৰ এই অবিবেচক কাণ্ডৰ বাবে বাহত থকা শতাধিক কণ কণ পোৱালিৰ থিতাতে মৃত্যু হৈছিল। এদিনীয়া-দুদিনীয়া চৰাইৰ পোৱালিৰে ভৰি আছিল বাহবোৰ। টংলাৰ পৌৰসভাৰ অমানৱীয় কাৰ্যত নিঠৰুৱা হোৱা বগলী পোৱালীবোৰক টংলাৰ পৰা কাজিৰঙাৰ পানবাৰীত থকা বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰলৈ অনা হৈছিল ৷ সম্প্ৰতি বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰৰ কৰ্মচাৰীসকলে ৮৮টা বগলী পোৱালীক প্ৰতিপালন কৰি আছে ৷ টংলা পৌৰসভাৰ অমানৱীয় কাণ্ডৰ ফলত বগলী পোৱালিবোৰৰ লগতে বহুতো পানী কাঙৰীৰ পোৱালিও মৃত্যু মুখত পৰিছিল। টংলাৰ পৰা বগলীৰ দুটাকৈ প্ৰজাতি কাজিৰঙাৰ পানবাৰীলৈ অনা হৈছিল। তাৰোপৰি কেন্দ্ৰটোলৈ অনা হৈছিল পানী কাউৰীৰ মুঠ ৯৭টা পোৱালী। ইয়াৰে ৫টা পোৱালী টংলাৰ পৰা আনোতেই মৃত্যু মুখত পৰাৰ লগতে চাৰিটা পোৱালী সংকটজনক অৱস্থাত থকাৰ বাবেই চিকিৎসাধীন অৱস্থাতে কেন্দ্ৰত মৃত্যু হয়। সম্প্ৰতি ৮৮টা পোৱালীক অভিজ্ঞ পশু চিকিৎসকৰ তত্বাৱধানত চিকিৎসা প্ৰদান কৰা হৈছে ৷ কেন্দ্ৰটোত ক্ৰমে সুস্থ হৈ উঠিছে ৮৮টা বগলী পোৱালী ৷ বগলীৰ পোৱালী কেইটাক প্ৰজাতি ভেদে পৃথকে ৰাখি চিকিৎসা প্ৰদান কৰা হৈছে ৷ অচিৰেই পোৱালী কেইটা সুস্থ হৈ উঠিব বুলি আশা প্ৰকাশ কৰিছে পশু চিকিৎসক সকলে ৷ সম্পুৰ্ণ সুস্থ হৈ উঠিলে বগলীৰ পোৱালী কেইটাক পুনৰ প্ৰাকৃতিক পৰিৱেশত সংস্থাপন কৰিব বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰই ৷

NKTV Digital
Author: NKTV Digital

Popular

More like this
Related

অষ্ট্ৰেলিয়াত বসবাস কৰা প্ৰৱাসী অসমীয়াৰ সৈতে অসম বিধানসভাৰ অধ্যক্ষ ৰণজিৎ কুমাৰ দাসৰ মত-বিনিময়

ফিজিত অনুষ্ঠিত কমনৱেলথ ওমেন পাৰ্লিয়ামেণ্টেৰীয়ান ৱৰ্কশ্বপৰ ষ্টাডি ট্যুৰৰ অংশ...

আন্তঃৰাষ্ট্ৰীয় মঞ্চত উজলিল অসমীয়া ছবি ‘আদিশক্তি’, লাছ ভেগাছ ইণ্ডি এৱাৰ্ডত ‘শ্ৰেষ্ঠ ছবি’ৰ সন্মান

মুক্তিৰ পূৰ্বেই ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত অসমীয়া চলচ্চিত্ৰ জগতলৈ...

চীনত ট্ৰাম্প, জিনপিং আৰু পুটিনৰ ঐতিহাসিক বৈঠক: বিশ্ব ৰাজনীতি আৰু ইউক্ৰেইন যুদ্ধক লৈ কি আলোচনা হ’ল?

আমেৰিকাৰ ৰাষ্ট্ৰপতি ড’নাল্ড ট্ৰাম্প, চীনৰ ৰাষ্ট্ৰপতি ঝি জিনপিং আৰু...