মক্কাত পদপিষ্ট হৈ মৃত্যু অসমৰ ৩ হজযাত্ৰীৰ

আজি পৱিত্র ঈদ। সমূহ ঈছলাম ধৰ্মাৱলম্বী লোকসকলে পালন কৰিছে ঈদ। কিন্তু ঈদৰ মাজতেই আহিছে এটা দু:খবৰ। মক্কাত পদপিষ্ট হৈ মৃত্যু হৈছে অসমৰ ৩জনকৈ হজযাত্ৰীৰ। পৱিত্র হজ পালন কৰিবলৈ গৈ মৃত্যু হজযাত্ৰী ৩গৰাকীৰ। দেওবাৰে মক্কাৰ মিনাত সংঘটিত হয় এই শোকাৱহ ঘটনাটো। মিনাৰ চফাৰ ময়দানত প্ৰচণ্ড ভিৰত পদপিষ্ট হৈ মৃত্যু হয় তেওঁলোকৰ। কাছাৰৰ বৰখলাৰ মৌলানা ছইফ উদ্দিন বৰভূঞাৰ মৃত্যু, মৃত্যু হাইলাকান্দিৰ চান্দপুৰ গাঁৱৰ ছালেহা বেগম বৰভূঞাৰ, বৰপেটাৰ জৰিনা বেগম নামৰ হজযাত্ৰীগৰাকীৰো মৃত্যু। ৩ হজযাত্ৰীৰ মৃতদেহ স্থানীয় হাস্পতালৰ মর্গত ৰাখিছে ছৌদি প্রশাসনে।