বিবেক অগ্নিহোত্রীৰ দ্বাৰা পৰিচালিত ‘দ্য কাশ্মীৰ ফাইলছ ছবিক লৈ যি সময়ত সৰ্বত্ৰে চৰ্চা চলিছে সেই সময়ত পুনৰ উগ্ৰপন্থীৰ আক্ৰমণৰ সন্মুখীন হৈছে কাশ্মীৰী পণ্ডিত ।
জানিব পৰা মতে,দক্ষিণ কাশ্মীৰৰ শ্বপিয়ান জিলাত উগ্ৰপন্থীয়ে কাশ্মীৰী পণ্ডিতৰ ওপৰত গুলী চালনা কৰিছে। গুৰুতৰভাৱে আঘাতপ্ৰাপ্ত ব্যক্তিজনক সনুকুমাৰ বালজী বুলি চিনাক্ত কৰা হৈছে। তেওঁক লগে লগে শ্ৰীনগৰৰ সেনা চিকিৎসালয়লৈ লৈ যোৱা হৈছে। যোৱা ২৪ ঘণ্টাত, কাশ্মীৰত সাতজন উগ্ৰপন্থীৰ ধ্বংসাত্মক পৰিস্থিতিৰ বলি হৈছে। তেওঁলোকৰ চাৰিজন আন ৰাজ্যৰ শ্ৰমিক আৰু দুজন চিআৰপিএফ জোৱান।
উগ্ৰপন্থীয়ে সোমবাৰে আবেলি পুলৱামাত দুজন শ্ৰমিকক আক্ৰমণ কৰে। আহতসকলক পাটলেশ্বৰ কুমাৰ আৰু জাকো চৌধুৰী বুলি চিনাক্ত কৰা হৈছে। দুয়োজন বিহাৰৰ বাসিন্দা। তাৰ পিছত পুলৱামাৰ নওপোৰা অঞ্চলত পঞ্জাৱৰ দুজন শ্ৰমিকক গুলীয়াই হত্যা কৰা হয়। শ্ৰীনগৰত দুজন চিআৰপিএফ জোৱানকো আক্ৰমণ কৰে উগ্ৰপন্থীয়ে।
