মুকলিৰ পূৰ্বেই গোলাঘাটৰ ফৰকাটিং ফ্লাই অভাৰক লৈ বিতৰ্ক। সদ্যনিৰ্মিত উৰণীয়া সেতুখন মুকলিৰ পাছত বন্ধ কৰি দিয়া হ’ব গোলাঘাট-ফৰকাটিং ৰোড! ৰে’ল বিভাগৰ এখন বেনাৰে লগাইছে তোলপাৰ। ফ্লাই অভাৰখনক বিকল্প হিচাপেহে বিচাৰিছিল ফৰকাটিঙৰ ৰাইজে। কিন্তু হঠাৎ ফ্লাইঅভাৰ মুকলিৰ পাছতেই গোলাঘাট-মেৰাপানী পথ বন্ধ কৰিব বিচৰা সিদ্ধান্তৰ বিৰুদ্ধে সৰৱ ফৰকাটিঙৰ ৰাইজ। সমগ্ৰ ঘটনাৰ প্ৰতিবাদত জিলা উপায়ুক্তৰ কাষ চাপিছে ফৰকাটিঙৰ ৰাইজ, দাখিল কৰিলে স্মাৰক পত্ৰ। উল্লেখ্য যে, কাইলৈ মুখ্যমন্ত্ৰী হিমন্ত বিশ্ব শৰ্মাই মুকলি কৰিব ফ্লাই অভাৰখন। অতিশীঘ্ৰে এই সিদ্ধান্ত বাতিল নকৰিলে কাইলৈ মুখ্যমন্ত্ৰীৰ সমুখত প্ৰতিবাদৰ হুংকাৰ ফৰকাটিঙৰ ৰাইজৰ।
