দ্ৰুতহাৰত অসমত বাঢ়িছে ক’ভিড, কঠোৰ হ’ব নেকি চৰকাৰ?

ৰাজ্যত দ্ৰুতহাৰত বৃদ্ধি পাইছে ক’ভিডৰ সংক্ৰমণ। মঙলবাৰৰ দিনটোত ৪৭৫ জন আক্ৰান্ত ক’ভিডত। গুৱাহাটীতো বৃদ্ধি পাইছে ক’ভিডৰ সংক্ৰমণ। মঙলবাৰৰ দিনটোত গুৱাহাটীত আক্ৰান্ত ১৯০জন লোক। যোৱা ২৪ ঘণ্টাত ৰাজ্যত ৩ জনৰ মৃত্যু ঘটিছে।
ইফালে কৰ’নাৰ তৃতীয় ঢৌৰ আশংকাত কঁপিছে সমগ্ৰ বিশ্ব। প্ৰতিদিনে বৃদ্ধি পাইছে আক্ৰান্তৰ সংখ্যা। কৰ’নাৰ সংক্ৰমণে ভাৰততো সৃষ্টি কৰিছে উদ্বেগজনক পৰিস্থিতিৰ। ৰাজ্যই ৰাজ্যই সংক্ৰমিতৰ সংখ্যা বৃদ্ধিয়ে উদ্বিগ্ন কৰি তুলিছে চৰকাৰকো। যোৱা ২৪ ঘণ্টাত দেশৰ প্ৰতিখন ৰাজ্য আৰু কেন্দ্ৰীয় শাসিত অঞ্চলত নতুনকৈ সংক্ৰমিত হৈছে ৩৭ হাজাৰৰো অধিক লোক। সমান্তৰালভাৱে বৃদ্ধি পাইছে কৰ’নাৰ নতুন ভেৰিয়েণ্ট অমিক্ৰনৰ সংক্ৰমণো। অমিক্ৰন আক্ৰান্তৰ সংখ্যাই ১,৯০০ৰ ঘৰ স্পৰ্শ কৰাৰ দিশে।