দেশৰ বিজেপি শাসিত ৰাজ্যসমূহৰ মুখ্যমন্ত্ৰী আৰু উপ-মুখ্যমন্ত্ৰীসকলে আজি অযোধ্যা ভ্ৰমণ কৰিব। বাৰণসীত অনুষ্ঠিত কাশী বিশ্বনাথ কৰিড’ৰ মুকলি আৰু অন্যান্য কাৰ্যসূচীত অংশগ্ৰহণৰ পিছত বিজেপিৰ মুখ্যমন্ত্ৰী আৰু উপ-মুখ্যমন্ত্ৰীসকলে পুৱা ১১ বজাত অযোধ্যাত উপস্থিত হ’ব। দলটোত অসমৰ মুখ্যমন্ত্ৰী হিমন্ত বিশ্ব শৰ্মাৰ লগতে আন ১২খন ৰাজ্যৰ মুখ্যমন্ত্ৰী আৰু বিহাৰ, নাগালেণ্ডৰ উপ-মুখ্যমন্ত্ৰীও আছে। ইয়াৰ উপৰি বিজেপিৰ ৰাষ্ট্ৰীয় সভাপতি জে পি নাড্ডায়ো আজি মুখ্যমন্ত্ৰীসকলৰ সৈতে অযোধ্যাত উপস্থিত হ’ব।
উল্লেখ্য যে, ২০১৯ চনত ৰাম জনমভূমি-বাবৰি মছজিদ গোচৰ সম্পৰ্কত উচ্চতম ন্যায়ালয়ে প্ৰদান কৰা ঐতিহাসিক ৰায়ৰ পিছত প্ৰথমবাৰৰ বাবে অযোধ্যা ভ্ৰমণ কৰিব বিজেপিৰ সভাপতি জে পি নাড্ডাই। বিয়লি ২ বজাত নাড্ডা আৰু আন নেতাসকলে হনুমানগৰ্হি মন্দিৰ দৰ্শনৰ পিছত তেওঁলোকে ৰাম জনমভূমি মন্দিৰ দৰ্শন কৰিব।
