গুৱাহাটীৰ মাজেৰে অব্যাহত আছে অবৈধ সোণৰ স্মাগলিং। গুৱাহাটীত জব্দ ৯৬খন সোণৰ বিস্কুট। গ্ৰেপ্তাৰ কৰা হৈছে ৫ জনকৈ অভিযুক্তক। DIRECTORATE OF REVENUE INTELLIGENCEৰ গোপন অভিযানত জব্দ হৈছে কোটি কোটি টকাৰ অবৈধ সোণ।
DRIৰ অভিযানত জব্দ হৈছে ১৫.৯৩ কেজিৰ সোণ। যাৰ বজাৰমূল্য প্ৰায় ৮.৩৮ কোটি টকা। GOLD ON THE HIGHWAY নামেৰে কৰা হৈছিল সমগ্ৰ গোপন অভিযান। বিদেশৰ সোণখিনি ইণ্ডো-ম্যানমাৰেৰে সৰবৰাহ হৈছিল। ডিমাপুৰ আৰু গুৱাহাটীত চলিছিল এই অভিযান। দুখন তেলৰ টেঙ্কাৰ আৰু ট্ৰাকত চলিছিল অভিযান। মণিপুৰ হৈ আহিছিল ট্ৰাক কেইখন। গোপন খবৰ লাভ কৰিয়েই ডিমাপুৰ-গুৱাহাটীৰ হাইৱেত পৃথক পৃথক ঠাইত অভিযান চলাই জব্দ হৈছে বৃহৎ পৰিমাণৰ সোণ।
