মৰ্মান্তিক ঘটনা। কাছাৰৰ বৰখলাত তামোল গছ পৰি মৃত্যু পাঁচ বছৰীয়া শিশুৰ। মৃত কন্যা শিশুটিৰ নাম মুছলিমা বেগম লস্কৰ।
নেনু মিয়া নামৰ এজন লোকে এজোপা তামোল গছ কাটি থকাৰ সময়ত হঠাৎ প্ৰতিবেশী এগৰাকী পাঁচ বছৰীয়া শিশু কন্যাৰ ওপৰত পৰি যায়। ঘটনাৰ পাছত শিশুটিক ততাতৈয়াকৈ স্থানীয় এখন হাস্পতালত লৈ যোৱা হয় যদিও শিশুটিৰ অবস্থা সংকটজনক হোৱাত চিকিৎসকে শিশুটিক শিলচৰ মেডিকেল কলেজ হাস্পতাললৈ প্ৰেৰণ কৰে । শিলচৰ মেডিকেল কলেজত ভৰ্তি কৰোৱাৰ কিছু সময়ৰ পাছত মৃত্যু ঘটে কনমাণি শিশুটিৰ।
মৰ্মান্তিক এই ঘটনাক কেন্দ্ৰ কৰি অঞ্চলটোত শোকৰ ছাঁ পৰিছে৷
