মুম্বাই আক্ৰমণৰ ১৪ বছৰ…

Date:

- Advertisement -
- Advertisement -

২০০৮ চনৰ আজিৰ দিনটোতে মুম্বাইত সন্ত্ৰাসবাদীয়ে আক্ৰমণ চলাইছিল। পাকিস্তানৰ উগ্ৰপন্থী সংগঠন লস্কৰ-ই-তৈবাৰ ১০টা উগ্ৰপন্থীয়ে চহৰখনৰ বিভিন্ন প্ৰান্তত বোমা আৰু বন্দুকৰে ধ্বংসলীলা সংঘটিত কৰিছিল। এই আক্ৰমণত ১৬৬জন নিৰীহ লোকে প্ৰাণ হেৰুৱাইছিল। ইয়াৰে কেইবাজনো আছিল বিদেশী নাগৰিক। আহত হৈছিল ৩০০ৰো অধিক লোক। বিশ্বৰ বহু দেশে এই ঘটনাক তীব্ৰ গৰিহণা দিছিল। ইজৰাইলৰ লোকসকলো এই ঘটনাৰ সৈতে আৱেগিকভাৱে জড়িত হৈ পৰিছে। কাৰণ এই ঘটনাত ৬ জন ইহুদীয়ে প্ৰাণ হেৰুৱাইছিল। এই আক্ৰমণত পিতৃ-মাতৃক হেৰুৱাইছিল দুবছৰীয়া ইহুদী শিশু মোশ্বে হোলজবাৰ্গে।

ভাৰতৰ নিৰাপত্তা বাহিনীয়েও পাকিস্তানী উগ্ৰপন্থীৰ বিৰুদ্ধে জঁপিয়াই পৰিছিল। আৰু উগ্ৰপন্থীৰ সৈতে হোৱা আক্ৰমণত নিহত হৈছিল ৯ জন পাকিস্তানী উগ্ৰপন্থী। ইয়াৰ অন্তিমজন জীৱিত উগ্ৰপন্থী আজমল কাছাৱক নিৰাপত্তাৰক্ষীয়ে গ্ৰেপ্তাৰ কৰিবলৈ সক্ষম হৈছিল। গ্ৰেপ্তাৰৰ চাৰি বছৰৰ পাছত ২০১২ চনৰ ২১ নৱেম্বৰত ফাঁচী দিয়া হৈছিল কাছাৱক।

মুম্বাই আক্ৰমণৰ ১৪ বছৰ পাৰ হৈ গ’ল। কিন্তু, সেই ক’লা দিনটোক আজিও পাহৰিব পৰা নাই দেশবাসীয়ে। নিজৰ কৰ্তব্য বীৰদৰ্পে পালন কৰি প্ৰাণ আহুতি দিয়া সকলক শ্ৰদ্ধাঞ্জলি জ্ঞাপন কৰে ৰাষ্ট্ৰপতি দ্ৰৌপদী মূৰ্মুৱে। টুইটাৰযোগে ৰাষ্ট্ৰপতিগৰাকীয়ে লিখে – সেইদিনা আমি যিসকলক হেৰুৱালোঁ তেওঁলোকক গোটেই দেশখনে কৃতজ্ঞতাৰে স্মৰণ কৰে। তেওঁলোকৰ পৰিয়ালৰ অন্তহীন যন্ত্ৰণা আমি অনুভৱ কৰিব পাৰো। সাহসেৰে যুঁজি কৰ্তব্যৰ বাবে প্ৰাণ আহুতি দিয়া নিৰাপত্তাৰক্ষীসকলক সমগ্ৰ দেশে সন্মান জনাইছে।

বৈদেশিক মন্ত্ৰী এছ জয়শংকৰেও টুইটাৰযোগে লিখিছে, মানৱতাৰ বাবে সন্ত্ৰাসবাদ অতি বিপজ্জনক। আজি সমগ্ৰ বিশ্বই ২৬/১১ৰ ভুক্তভোগীসকলৰ স্মৃতিত ভাৰতৰ কাষত থিয় দিছে। যিসকলে এই আক্ৰমণৰ পৰিকল্পনা আৰু তদাৰক কৰিছিল তেওঁলোকক ন্যায়ৰ ওচৰলৈ আনিব লাগিব।

- Advertisement -

LEAVE A REPLY

Please enter your comment!
Please enter your name here

Share post:

Popular

More like this
Related

ছালখন হৈ থাকিব উজ্জল! গৰমৰ দিনত ছালৰ যতন লওক এইদৰে

গ্ৰীস্মকাল আহিলেই প্ৰায়ে চিন্তিত হৈ পৰে যুৱতীসকল। বিশেষকৈ এই...

কাছাৰত পুনৰ এনকাউণ্টাৰৰ ঘটনা

কাছাৰত পুনৰ এনকাউণ্টাৰৰ ঘটনা। আৰক্ষীৰ গুলীত আহত হয় এজন...

ৰাজ্যৰ একাংশ বাট-পথৰ দুৰৱস্থা

পুৰণি চৰকাৰ গ'ল, আহিল নতুন চৰকাৰ। কিন্তু ৰাজ্যৰ একাংশ...

২০২৩ৰ এদিনীয়া বিশ্বকাপৰ প্ৰতিশোধ ল’লে আফগানিস্তানে

২০২৩ৰ এদিনীয়া বিশ্বকাপৰ প্ৰতিশোধ ল'লে আফগানিস্তানেSUPER 8ত অষ্ট্ৰেলিয়াৰ বিৰুদ্ধে...