গুৱাহাটী পালেহি অ’মিক্ৰন, ডিগাৰুত ১৩ বছৰীয়া কিশোৰৰ দেহত মাৰাত্মক অ’মিক্ৰন

সোণাপুৰৰ ডিগাৰুত ১৩ বছৰীয়া কিশোৰৰ দেহত অ’মিক্ৰনৰ উপস্থিতি। দাস উপাধিৰ কিশোৰগৰাকীয়ে যোৱা ২২ ডিচেম্বৰত মেঘালয়ত কভিড পৰীক্ষা কৰাৰ অন্তত মঙলবাৰে অহা ফলাফল অনুসৰি অমিক্ৰণৰ অৱস্থিতি স্থিতি ধৰা পৰে। কৰ্মসূত্ৰে পিতৃ মুম্বাইত থকাত মাতৃয়ে ডিগাৰু তিনিআলিত চলায় এখন বস্ত্ৰ বিপনী। আজি পুৱাৰ ভাগতে স্বাস্থ্য বিভাগৰ দল আৰু সোণাপুৰ আৰক্ষীয়ে ডিগাৰুৰ উক্ত ভাড়াঘৰটোত উপস্থিত হয় যদিও পৰিয়ালৰ কোনো লোককে পাবলৈ সক্ষম নহ’ল। ইতিমধ্যে স্বাস্থ্য বিভাগে উক্ত গৃহৰ চৌহদ নিষিদ্ধ এলেকা ৰূপে ঘোষণা কৰাৰ লগতে ব্যৱসায়িক প্ৰতিষ্ঠানখনো ছীল কৰি দিয়ে। আনহাতে চুবুৰীয়া আটাইৰে কভিড পৰীক্ষাৰ ব্যৱস্থা গ্ৰহণ কৰে। এই সন্দৰ্ভত আৰক্ষী আৰু স্বাস্থ্য বিভাগৰ অভিযান অব্যাহত আছে।