ঝীৰাম হত্যাকাণ্ড বা ঝীৰাম উপত্যকাৰ নক্সাল আক্ৰমণ হৈছে ২০১৩ চনৰ ২৫ মে’ত ভাৰতৰ চত্তীশগড় ৰাজ্যৰ চুকমা জিলাৰ ঝীৰাম ঘাটিত সংঘটিত এক ভয়ংকৰ আৰু জঘন্য নক্সালবাদী আক্ৰমণ। এই আক্ৰমণত ৰাজ্যখনৰ শীৰ্ষ কংগ্ৰেছ নেতৃত্বকে ধৰি প্ৰায় ২৯ ৰ পৰা ৩২ জন লোক নিহত হৈছিল। ভাৰতীয় গণতন্ত্ৰ আৰু সুৰক্ষা ব্যৱস্থাৰ ইতিহাসত ইয়াক অন্যতম বৃহৎ নক্সালবাদী সন্ত্ৰাসবাদী কাৰ্যকলাপ হিচাপে গণ্য কৰা হয়।
১৩ বছৰৰ পিছত আক্ৰমণ গোচৰত শনিবাৰে ১০ অভিযুক্তক দোষী সাব্যস্ত কৰে বিশেষ NIA আদালতে। অভিযুক্তসকলৰ ভিতৰত আছে দুগৰাকী মহিলা ।
জগদলপুৰৰ বিশেষ NIA আদালতৰ ন্যায়াধীশ অভয় সিং ৰাজপুতে এই ৰায় প্ৰদান কৰে। গোচৰটোৰ শাস্তিৰ পৰিমাণ সন্দৰ্ভত ১৬ ছেপ্টেম্বৰত সিদ্ধান্ত ঘোষণা কৰা হ’ব। বিচাৰৰ সময়ত মুঠ ১০১জন সাক্ষীৰ বক্তব্য গ্ৰহণ কৰা হৈছিল।
অভিযুক্ত পক্ষই উচ্চ আদালতত ৰায়টোৰ বিৰুদ্ধে আপীল কৰাৰ কথা সদৰী কৰিছে।
