এতিয়াৰে পৰা কফ চিৰাপ ক্ৰয়-বিক্ৰয়ৰ ক্ষেত্ৰত জাৰি কৰা হৈছে নতুন নিৰ্দেশনা। কেন্দ্ৰীয় চৰকাৰৰ শেহতীয়া নিৰ্দেশনা অনুসৰি এতিয়াৰে পৰা প্ৰেছক্ৰিপছন অবিহনে গ্ৰাহকে কিনিব নোৱাৰিব কোনো ধৰণৰ চিৰাপ। কফ চিৰাপ কিনাৰ বাবেও লাগিব চিকিৎসকৰ প্ৰেছক্ৰিপছন। ড্ৰাগছ (পঞ্চম সংশোধনী) নিয়ম ২০২৬ৰ অধীনত জাৰি কৰা হৈছে এই নিৰ্দেশনা। ইতিমধ্যে মঙলবাৰৰ পৰা দেশত বলৱৎ হৈছে এই নিৰ্দেশনা। কফ চিৰাপক লৈ দেশজুৰি সৃষ্টি হোৱা বিতৰ্কৰ বাবে চৰকাৰে গ্ৰহণ কৰিছে এই সিদ্ধান্ত। ২ বছৰৰ কম বয়সৰ শিশুৰ বাবে ইতিমধ্যে নিষিদ্ধ কৰা হৈছে কফ ছিৰাপ। উল্লেখ্য যে কফ চিৰাপৰ বাবেই যোৱা বছৰ মধ্যপ্ৰদেশত মৃত্যু হৈছিল ২২ টি শিশুৰ। উজবেকিস্তানসহ বহু দেশত ভাৰতৰ কফ চিৰাপ খাই মৃত্যু হৈছিল শিশুৰ।
ডিজিটেল ডেস্ক | প্ৰাঞ্জলজ্যোতি গগৈ
