কিমান ভাল লাগিলে কৰিব পাৰে এই কাম?

শেহতীয়াকৈ মুক্তি লাভ কৰা KGF-2 য়ে মুক্তিৰ পিছতে বক্সঅফিচত খলকনিৰ সৃষ্টি কৰিছে। মুক্তিৰদিনাই ছবিখনে ব্যাপক সঁহাৰি লাভ কৰিছে । যশে অভিনীত এই ছবিখনে দক্ষিণ ভাৰতত ইমান জনপ্ৰিয়তা অৰ্জন কৰিছে যে, যশৰ অনুৰাগী এগৰাকীয়ে তেওঁৰ বিবাহৰ নিমন্ত্ৰণী পত্ৰত KFG-2 ৰ যশৰ এটা সংলাপ ছপা কৰিছে।কৰ্ণাটকৰ নিৱাসী যশৰ অনুৰাগী চন্দ্ৰশেখৰে অতিসোনকালে বিবাহপাশত আৱদ্ধ হ’ব। চন্দ্ৰশেখৰে যশৰ ‘ভায়োলেন্স, ভায়োলেন্স, ভায়োলেন্স, আই ড’ণ্ট লাইক ইট, আই এভোয়েড, বাট ভায়োলন্স লাইক মি এ লট, আই কাণ্ট এভোয়েড’ সংলাপৰ পৰা অনুপ্ৰাণিত হৈ তেওঁৰ বিবাহৰ নিমন্ত্ৰণী পত্ৰত লিখিছে,‘মেৰিজ , মেৰিজ, মেৰিজ, আই ড’ণ্ট লাইক ইট, আই এভোয়েড, বাট মাই ৰিলেটিভছ লাইক মেৰিজ, আই কাণ্ট এভোয়েড’।
যশৰ অনুৰাগীৰ এনে অভিনৱ পন্থাৰ বাবে বিবাহৰ নিমন্ত্ৰণী পত্ৰৰ ছবিখন সামাজিক মাধ্যমত ভাইৰেল হৈ পৰিছে।