বাংলাদেশে দোষী সাব্যস্ত কৰা প্ৰাক্তন প্ৰধানমন্ত্ৰী শ্বেখ হাছিনাক প্ৰত্যৰ্পণৰ বাবে কৰা নতুন অনুৰোধৰ প্ৰতি ভাৰতৰ পৰা সঁহাৰি পোৱাৰ আশা কৰিছে, অন্তৱৰ্তীকালীন চৰকাৰৰ বৈদেশিক পৰিক্ৰমা উপদেষ্টা মহম্মদ তৌহিদ হোছেইনে বুধবাৰে এই কথা প্ৰকাশ কৰে। অৱশ্যে এসপ্তাহৰ ভিতৰত সঁহাৰি পোৱাৰ সম্ভাৱনা নাই। ইফালে ভাৰতে প্ৰাক্তন প্ৰধানমন্ত্ৰী শ্বেখ হাছিনাক প্ৰত্যৰ্পণৰ বাবে বাংলাদেশৰ পৰা অনুৰোধ লাভ কৰা বুলি স্বীকাৰ কৰিছে।
ভাৰতে নিশ্চিত কৰিছে যে, বাংলাদেশৰ প্ৰাক্তন প্ৰধানমন্ত্ৰী হাছিনাৰ পৰা প্ৰত্যৰ্পণৰ অনুৰোধ লাভ কৰিছে। ভাৰতৰ MEAৰ মুখপাত্ৰই কয় যে, “যথা সময়ত ইয়াৰ প্ৰক্ৰিয়াকৰণ কৰা হ’ব।”
ইফালে, বাংলাদেশৰ বৈদেশিক মন্ত্ৰালয়ত সাংবাদিকৰ সৈতে হোৱা এক সাক্ষাৎকাৰত বৈদেশিক পৰিক্ৰমা উপদেষ্টা মহম্মদ তৌহিদ হোছেইনে কয় যে, ঢাকাৰ অনুৰোধৰ এসপ্তাহৰ ভিতৰত তেওঁলোকে সঁহাৰি দিব বুলি মই আশা কৰা নাই, কিন্তু আমি আশা কৰিছোঁ যে আমি ইয়াৰ সঁহাৰি পাম।
উপদেষ্টাগৰাকীয়ে কয় যে, শেহতীয়াকৈ আন্তঃৰাষ্ট্ৰীয় অপৰাধ ন্যায়াধিকৰণ-১ (আইচিটি-১)ৰ ৰায়দানৰ পিছত ঢাকাই বাংলাদেশ উচ্চায়ুক্তৰ জৰিয়তে নতুন দিল্লীলৈ আনুষ্ঠানিকভাৱে পত্ৰ লিখিছিল। হোছেইনে স্পষ্ট কৰি দিয়ে যে, বাংলাদেশে ভাৰতৰ পৰা কোনো সঁহাৰি অস্বীকাৰ কৰা নাই, কিন্তু ৭ দিনৰ ভিতৰত এই সঁহাৰিৰ আশা কৰা নাই।
