প্রতি বছৰে ২৫ ডিচেম্বৰত পালন কৰা হয় বৰদিন। বিশ্বৰ দেশসমূহে বৰদিনৰ উৎসৱৰ বাবে আগ্ৰহেৰে অপেক্ষা কৰি থকা দেখা যায়। প্ৰভু যীশুৰ জন্মদিন উপলক্ষে বৰদিন উৎসৱ পালন কৰা হয়। কিন্তু এই বৰদিনত ইজনে-সিজনক ‘হেপী খ্ৰীষ্টমাছ’ৰ সলনি ‘মেৰী খ্রীষ্টমাছ’ বুলি শুভেচ্ছা জনায়। সাধাৰণতে ইংৰাজীত যিকোনো উৎসৱৰ শুভকামনা জনাওতে ইংৰাজী Happy শব্দটো ব্যৱহাৰ কৰা হয়, কিন্তু এই বৰদিনত ‘মেৰী’ শব্দটোহে ব্যৱহাৰ কৰা হয়। কিন্তু কিয় জানেনে? জানিবলৈ পঢ়ক আমাৰ এই প্ৰতিবেদন
খ্রীষ্টমাছত মেৰী শব্দটো কিয় ব্যৱহাৰ হয়?
পোনপ্ৰথমতে বিখ্যাত লেখক চার্লছ ডিকেন্সে মেৰী শব্দটো জনপ্ৰিয় কৰি তুলিছিল। তেওঁৰ ‘এ খ্রীষ্টমাছ কেৰল’ নামৰ কিতাপখনত তেওঁ ‘মেৰী’ শব্দটো ব্যৱহাৰ কৰিছিল। ইয়াৰ পাছত হেপিৰ পৰিৱৰ্তে ‘মেৰী খ্রীষ্টমাছ’ শব্দটো প্রচলিত হ’ল। তথাপিও ইয়াৰ আগতে মানুহে মানুহক কেৱল Happy Christmas বুলিহে শুভেচ্ছা জনাইছিল।
