ৰাজ্যত পুনৰ বজ্ৰপাতত প্ৰাণ হেৰুৱালে এজনে। এইবাৰৰ ঘটনা কাছাৰৰ। কাছাৰৰ কাটিগড়া জগদীশপুৰত সংঘটিত হৈছে এই কৰুণ ঘটনা। জলাশয়ত মাছ ধৰিবলৈ যাওঁতেই বজ্ৰ পৰি নিহত হয় এজন লোক। মৃত লোকজনৰ নাম বাহাৰ উদ্দিন।
শুক্ৰবাৰে সন্ধিয়া ঘৰৰ কাষতে থকা জলাশয়ত মাছ ধৰিবলৈ গৈছিল বাহাৰ উদ্দিন। সেই সময়তেই সংঘটিত হয় এই শোকাৱহ ঘটনাতো। পৰৱৰ্তী সময়ত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰাৰ লগতে মৰণোত্তৰ পৰীক্ষাৰ বাবে শিলচৰ মেডিকেল কলেজলৈ প্ৰেৰণ কৰে। এই ঘটনাই শোকৰ ছাঁ পেলাইছে সমগ্ৰ অঞ্চলটোতে।
